ايماقتار • 12 قاڭتار، 2021

الماتى مەتروسىنىڭ جاڭا ستانساسىنا 30 ملرد تەڭگە ءبولىندى

164 رەت كورسەتىلدى

الماتى قالاسىنداعى مەترو قۇرىلىسىنا ارناپ الداعى ءۇش جىلدا رەسپۋبليكالىق بيۋدجەتتەن 30 ملرد تەڭگەدەن استام قاراجات بولىنبەك، دەپ حابارلايدى Egemen.kz

يندۋستريا جانە ينفراقۇرىلىمدىق دامۋ مينيسترلىگىنىڭ جوسپارى بويىنشا 2021 جىلى جەراستى ترانسپورتتىق ينفراقۇرىلىمىن جاساۋعا 10،4 ملرد تەڭگە بولىنەدى.

سونداي-اق 2022-2023 جىلدارعا ارناپ تاعى 10 ملرد تەڭگە ءبولۋ قاراستىرىلعان.

2020 جىلى قارجىلاندىرۋ كولەمى 6،8 ملرد تەڭگەنى قۇراعان ەدى. 2013-2019 جىلدار ارالىعىندا اتالعان كورسەتكىش 35،9 ملرد تەڭگەگە تەڭ بولعان. جوسپارعا سايكەس 2021 جىلدىڭ جەلتوقسان ايىندا «سارىارقا» جانە «دوستىق» ستانسالارى سالىنباق.

ەسكە سالايىق، الماتى قالاسىندا مەترو 2011 جىلى پايدالانۋعا بەرىلدى. قازىرگى تاڭدا 9 بەكەت جۇمىس ىستەپ تۇر. ەندى تاعى ەكى بەكەتتىڭ قوسىلۋىمەن جولاۋشىلار اعىنى وسە تۇسپەك. «مەتروپوليتەن» مەملەكەتتىك قازىناشىلىق كاسىپورنى باسشىلىعىنىڭ ايتۋىنشا، الداعى ۋاقىتتا جولاۋشىلار اعىنى تاۋلىگىنە 80 مىڭ ادامعا دەيىن ارتادى دەپ كۇتىلىپ وتىر. ال 2025 جىلدان باستاپ مەترو قۇرىلىسىنىڭ ەكىنشى جەلىسى سالىنا باستايدى. ول قالا ورتالىعىن «الماتى-1» تەمىرجول ۆوكزالىمەن جالعاستىرماق.

سوڭعى جاڭالىقتار

پرەزيدەنت الماتى اكىمىن قابىلدادى

پرەزيدەنت • بۇگىن، 14:07

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

دوللار ارزاندادى

قارجى • كەشە

ۇقساس جاڭالىقتار