«قىلمىستىڭ الدىن الۋدا اۋەلى جالپى تاربيە, ونىڭ ىشىندە قۇقىقتىق تاربيە نەگىزگى قۇرال بولىپ ەسەپتەلەدى. سوندىقتان دا جاستارعا ءوز دارەجەسىندە جەتكىلىكتى قۇقىقتىق تاربيە بەرۋدى دۇرىس جولعا قويۋ ۇلكەن جۇمىس. ويتكەنى, قۇقىقتىق تاربيە جاستار مەن جاسوسپىرىمدەردىڭ بويىندا قۇقىقتىق تالاپتار قۇرمەتتەۋ سەزىمىن قالىپتاستىرىپ, ازاماتتاردىڭ ساناسىنا قۇقىق پەن مىندەتتىڭ بىرلىگىن سەزىندىرەدى. ولاردىڭ وزدەرىن دۇرىس ۇستاپ, اسىرەسە كامەلەتكە جاسى تولماعاندار اراسىنداعى قىلمىستىق ارەكەتتەرىنىڭ الدىن الۋعا مۇمكىندىك تۋعىزادى», دەيدى د.ءابدىرامانوۆ
كامەلەتكە تولماعاندار اراسىنداعى قۇقىق بۇزۋشىلىقتاردىڭ الدىن الۋ جانە قاۋىپسىزدىكتەرىن قامتاماسىز ەتۋ بويىنشا 2020 جىلى ء«جاسوسپىرىم» ءىس-شاراسىنىڭ 2-كەزەڭى, «تۇنگى قالاداعى بالالار» جانە «قاۋىپسىز مەكتەپ» جەدەل-پروفيلاكتيكالىق ءىس-شارالارى وتكىزىلىپتى. سونىمەن قاتار مۇددەلى ورگان وكىلدەرىنىڭ قاتىسۋىمەن تۇنگى ءىس-شارالار ۇيىمداستىرىلىپ كەلەدى ەكەن.
قابىلدانعان ءىس-شارالار ناتيجەسىندە, وتكەن جىلدىڭ 10 ايى كولەمىندە تۇنگى ساعات 22:00-دەن كەيىن ويىن-ساۋىق ورىندارىندا بولعان 58 ءجاسوسپىرىم, ال تۇنگى ساعات 23:00-دەن كەيىن زاڭدى وكىلىنسىز تۇرعىن ۇيدەن تىس جەرلەردە بولعان 2 مىڭ 832 ءجاسوسپىرىم انىقتالعان. ناتيجەسىندە, اتا-اناسىنىڭ باقىلاۋىنسىز جۇرگەن 259 ءجاسوسپىرىم كامەلەتكە تولماعانداردى بەيىمدەۋ ورتالىعىنا ورنالاستىرىلدى.
قۇقىق بۇزۋشىلىققا بەيىم 234 ءجاسوسپىرىم جانە كامەلەتكە تولماعانداردى تاربيەلەۋ بويىنشا ءوز مىندەتتەرىن ورىندامايتىن 112 اتا-انا ىشكى ىستەر ورگانىنىڭ ەسەبىنە قويىلدى. قابىلدانعان ءىس-شارالار ناتيجەسىندە, 2020 جىلدىڭ 10 ايىنىڭ قورىتىندىسى بويىنشا كامەلەتكە تولماعاندار اراسىنداعى قىلمىستار 17,2 پايىزعا تومەندەگەن.
«جاسوسپىرىمدەردى قىلمىس جاساۋىنا وتباسىنداعى قولايسىز جاعداي, ساباققا بارماۋ, تاربيەلىك جۇمىستى از جۇرگىزۋ, ينتەرنەت جەلىلەرىن دۇرىس قولدانباۋ, وزدەرىنىڭ قۇقىقتارىن دۇرىس بىلمەۋ فاكتورلارى ءجيى اسەر ەتەدى», دەيدى داۋلەتكەلدى ءابدىرامانوۆ. سالا بىلگىرىنىڭ ايتۋىنشا, اتالعان قىلمىستىڭ الدىن الۋدا اتا-انا, مەكتەپ, قوعام, قۇقىق قورعاۋ مەكەمەلەرى ماماندارىمەن بىرلەسكەن تاربيەلىك سيپاتتاعى شارالارى كوپتەپ ۇيىمداستىرىلۋى كەرەك.
شىمكەنت
