اتىراۋ وبلىسى بويىنشا قىلمىستىق-اتقارۋ جۇيەسى دەپارتامەنتى ءباسپاسوز قىزمەتىنىڭ اقپاراتىنا سۇيەنسەك, جازاسىن وتەۋشىلەردىڭ اراسىندا بۇرىن مەملەكەتتىك قىزمەتتە بولعان شەنەۋنىكتەر دە بار.
«قوعامدىق جۇمىسقا تارتۋ تۇرىندەگى جازا سوتتىڭ ۇكىمىمەن جەرگىلىكتى اتقارۋ ورگاندارى بەكىتىلگەن نىسانداردا جۇزەگە اسىرىلادى. ءبىزدىڭ ماقساتىمىز – سوتتالعانداردى قوعامدىق جۇمىسقا تارتۋ ارقىلى تاربيەلەپ, قايتادان قىلمىسقا جول بەرمەۋ. ويتكەنى, قوعامدىق جۇمىستىڭ تاربيەلىك ءمانى تيىمدىلىگىن دالەلدەدى. جازاسىن وتەۋشى ازاماتتار ەكىنشى رەت شالىس باسپاۋعا تىرىسادى» دەيدى اتىراۋ وبلىسى بويىنشا قىلمىستىق-اتقارۋ جۇيەسى دەپارتامەنتىنىڭ باستىعى ماناربەك عابدۋللين.
دەپارتامەنت باستىعىنىڭ مالىمەتىنشە, جاۋاپقا تارتىلعاندار كۇنىنە 4-تەن 8 ساعاتقا دەيىن جۇمىس ىستەيدى. ولارعا ەڭبەكاقى تولەنبەيدى. جازاعا تارتىلعانداردىڭ كوپشىلىگى – ەسىرتكىنى پايدالانعاندار, ماس كۇيىندە كولىك جۇرگىزگەندەر, ۇرلىق جاساعاندار. قازىر پروباتسيا قىزمەتىنىڭ ەسەبىندە 1200 سوتتالۋشى تۇر.
