كەش اباي قۇنانباەۆتىڭ ءومىرىن سيپاتتايتىن بەينە ماتەريالمەن باستالدى. اتالعان شاراعا اسكەري ءبولىم باسشىلارىمەن مەكەمەنىڭ جەكە قۇرامى تولىقتاي قاتىستى.
« ۇلى اقىن اباي مۇراسىنىڭ حالىققا, اسىرەسە جاس بۋىنعا تيگىزەر پايداسى زور دەپ ەسەپتەيمىن. ونىڭ شىعارمالارى بۇگىن دە وزەكتىلىگىن جوعالتقان جوق. ابايدىڭ وي-تۇجىرىمدارى بارشامىزعا قاشاندا رۋحاني ازىق بولا الادى» دەدى 51809 اسكەري ءبولىم كومانديرى پودپولكوۆنيك ءادىل سۇبەباەۆ.
جارىس ءتورت بولىمنەن تۇراتىن سايىس تۇرىندە وتكىزىلدى. جەڭىمپازدار ابايدىڭ قارا سوزدەرى, اۋدارمالارى, ولەڭدەرى جانە پوەمالارى نوميناتسيالار بويىنشا جۇلدەلەرگە يە بولدى جانە كورەرمەندەر اراسىندا بەلسەندى اسكەري قىزمەتشىلەر ابايدىڭ ولەڭدەرىن, اندەرىن تولىقتىرىپ, كەشتىڭ ودان ءارى قىزىقتى وتۋىنە سەپتىگىن تيگىزدى.
51809 اسكەري ءبولىم كومانديرىنىڭ تاربيە جانە يدەولوگيالىق جۇمىستار جونىندەگى ورىنباسارى پودپولكوۆنيك باقىت سىدىقوۆ ۇلى اقىننىڭ ءومىر جولى مەن شىعارماشىلىق ەڭبەگىنە توقتالىپ ءوتتى. ابايدىڭ وسيەت سوزدەرى بارلىق تىڭدارماندارعا, بولاشاق ۇرپاقتارعا بەرە ۇلگىسى مول ەكەنىن ايتتى.
ايتا كەتەيىك, شارا سوڭىندا قازىلىق ەتۋشىلەر ءبولىم كومانديرىنىڭ اتىنان جارىس جەڭىمپازدارىن ماراپاتتاپ, ولارعا ابايدىڭ كىتاپتارىن ەستەلىك رەتىندە تابىستادى.
ماڭعىستاۋ وبلىسى
