قازاقستاندا بەس پارتيادان باسقا باقىلاۋ جۇرگىزگەن 25-كە جۋىق قوعامدىق ۇيىم بولدى.
ساياساتتانۋشى مارات شيبۇتوۆ ەلىمىزدە وتكەن سايلاۋ تۋرالى ءوز پىكىرىن ايتتى. شيبۇتوۆ بۇل كۇتىلگەن ناتيجە ەكەنىن اتاپ ءوتتى.
«رەسپۋبليكا بويىنشا ءۇش پارتيانىڭ وتەتىنى كۇتىلگەن ناتيجە. ويتكەنى سەنىڭ پارلامەنتتە, ءماسليحاتتاردا دەپۋتاتتارىڭ بولعان كەزدە, سەن جۇمىس ىستەيسىڭ, الدەقايدا تانىمالسىڭ جانە ت. س. «اۋىلدا» ءبىر عانا سەناتور, بىرنەشە دەپۋتات بار, سوندىقتان كولەمى بويىنشا ەكىنشى بيۋدجەتكە قاراماستان, ولار ازىرشە ءۇشىنشى ورىنعا يە بولدى. ازىرگە ولار دەڭگەيگە جەتپەي تۇر. بىراق وتكەن جولعى سايلاۋمەن سالىستىرعاندا, 2016 جىلى ولاردا تەك 2% بولعان, سول كەزگە قاراعاندا ولار ايتارلىقتاي ءوستى. 2,5 ەسەگە دەپ ساناڭىز. «بىرلىك» كوپ جۇمىس ىستەمەدى, ول ءولى پارتيا بولدى. وعان رەبرەندينگتى قوسىڭىز. ادامدار «ادال» دەگەننىڭ نە ەكەنىن ءبىلىپ, تانىپ ۇلگەرمەدى. بىزدە ادەتتە اۆانستار بەرگەندى ۇناتپايدى… سوندىقتان «ادالدىڭ» ازىرگە قولىنان كەلمەدى. ەگەر ولار جارتى جىل بۇرىن رەبرەندينگ جاساسا, مۇمكىن ولار داۋىس جيناي الار ەدى», – دەدى ساياساتتانۋشى.
ونىڭ ايتۋىنشا, قازاقستاندا كوپپارتيالىققا, پىكىر پليۋراليزمىنە جانە وركەنيەتتى قالىپتى باسەكەلەستىككە جالپى ترەند قالىپتاستى, سونداي-اق, ول الماتىداعى سايلاۋعا تۇسىنىكتەمە بەردى.
ء«بارى ءبىر-ءبىرىنىڭ ناتيجەسىن مويىندايدى, ءوز ىسىنە ادال بولدى. سايلاۋدىڭ تىنىش وتۋىنە اتسالىستى. ءبىز كۇنى بويى جاپپاي زاڭبۇزۋشىلىقتى كورگەن جوقپىز. مەن حالىقارالىق باقىلاۋشىلاردىڭ دا, ءبىزدىڭ باقىلاۋشىلارىمىزدىڭ دا باعالاۋى وتە دۇرىس دەپ ايتار ەدىم. سايلاۋ ءادىل وتكىزىلدى», – دەدى مارات شيبۇتوۆ.
ونىڭ ايتۋىنشا, باقىلاۋشىلاردىڭ سانى وتە كوپ. قازاقستاندا بەس پارتيادان باسقا باقىلاۋ جۇرگىزگەن 25-كە جۋىق قوعامدىق ۇيىم بولدى. ءىس جۇزىندە بارلىق ۋچاسكەلەردى باقىلاۋشىلار قامتىدى.
قازاقستاننىڭ ىسكەر ايەلدەر قاۋىمداستىعى توراعاسىنىڭ ورىنباسارى گۇلچوحرا ماحمەتوۆا قر پارلامەنتى ءماجىلىسى مەن ءماسليحاتتارى دەپۋتاتتارىنىڭ سايلاۋى قالاي وتكەنى تۋرالى پىكىرىن ءبولىستى.
«جالپى, بۇل سايلاۋ, ەڭ الدىمەن, ءبىزدىڭ ەلىمىز ءۇشىن وتە ماڭىزدى بولدى. سەبەبى مەملەكەت باسشىسى پارتيالىق تىزىمگە جاستار مەن ايەلدەردىڭ كەم دەگەندە 30%-ىن قوسۋعا باستاما كوتەردى. قازاقستاننىڭ ايەل كۇشتەرى اليانسى ساياسي كوشباسشىلىق مەكتەبىن قۇردى, وندا ەلىمىزدىڭ بارلىق وڭىرلەرىنەن كەلگەن ايەلدەر وقۋدان ءوتتى جانە كانديدات رەتىندە ۇلكەن, جوعارى ساياسي ساۋاتتىلىقتى كورسەتتى.
ەڭ ماڭىزدى ايىرماشىلىق جانە ايەل ۇرانى – جۇمساق كۇش قولدانۋ. جۇمساق كۇش – بۇل ماحاببات, قامقورلىق, جاۋاپكەرشىلىك, ۇقىپتىلىق, ساقتىق, سونىمەن بىرگە, بالالار, وتباسى, ايەلدەردى قورعاۋ, بالالارعا ءبىلىم بەرۋ ءۇشىن جاقسى ءومىر ءسۇرۋ ماقساتىنىڭ ايقىن بەلگىلەنۋى. ايەلدەر ۇسىناتىن بارلىق نارسەنى مەملەكەت قولدايدى», – دەدى ماحمەتوۆا.
باۋىرجان مۇستافين سايلاۋ ۋچاسكەلەرىندە بارلىق سانيتارلىق نورمالار ساقتالعانىن اتاپ ءوتتى.
ءال-فارابي اتىنداعى قازاق ۇلتتىق ۋنيۆەرسيتەتىنىڭ اعا وقىتۋشىسى, ساياساتتانۋشى باۋىرجان مۇستافين قر پارلامەنتى ءماجىلىسى مەن بارلىق دەڭگەيدەگى ءماسليحات دەپۋتاتتارىن سايلاۋعا قاتىستى پىكىرىمەن ءبولىستى.
«سايلاۋ تىنىش جاعدايدا ءوتتى دەپ ايتۋعا بولادى. ءبىز سايلاۋدا قانداي دا ءبىر زاڭبۇزۋشىلىق بايقامادىق. بۇكىل رەسپۋبليكا بويىنشا بىزدە 10 مىڭنان استام سايلاۋ ۋچاسكەلەرى جانە شەتەلدەگى ەلشىلىكتەر مەن كونسۋلدىقتاردا 50 ۋچاسكە جۇمىس ىستەدى. ءبىزدىڭ شەتەلدەگى وتانداستارىمىز سايلاۋعا بەلسەندى قاتىستى. ارينە, بۇل 2019 جىلعى پرەزيدەنتتىك سايلاۋعا قاراعاندا ءبىرشاما ازىراق. بىراق, تۇتاستاي العاندا, بۇل 2016 جىلعى پارلامەنتتىك سايلاۋمەن شامالاس بولدى.
قازاقستاندىقتار ءۇشىن كەيبىر توسىنسىي بار, ءبىرىنشى كەزەكتە, ماسليحاتقا سايلاۋ ەندى ماجوريتارلىق جۇيە بويىنشا ەمەس, پروپورتسيونالدى جۇيە بويىنشا وتەتىنىن ايتۋعا بولادى», – دەدى ساياساتتانۋشى.
ول بارلىق سايلاۋ ۋچاسكەلەرىندە سانيتارلىق نورمالار ساقتالعانىن دا اتاپ ءوتتى.
«ەپيدەميولوگيالىق جاعداي سايلاۋشىلاردىڭ كەلۋىنە قاتتى اسەر ەتتى دەپ ايتا المايمىن. مەن بارعان بارلىق سايلاۋ ۋچاسكەلەرىندە سانيتارلىق نورمالار ساقتالدى. ساننورمالار بويىنشا شاعىم بولعان جوق», – دەپ قوستى مۇستافين.
ساياساتتانۋشى ورتالىق سايلاۋ كوميسسياسى پارتيالار مەن باقىلاۋشىلاردىڭ سۇراقتارىنا جەدەل جاۋاپ بەردى دەپ مالىمدەدى.
«پارتيالاردا, باقىلاۋشىلاردا وسك-عا قاتىستى بەلگىلى ءبىر سۇراقتار بولدى. بىراق سايلاۋ كوميسسياسى جەدەل ارەكەت ەتتى دەپ ايتا الامىن. سايلاۋ كومپانياسى مەن بۇگىنگى سايلاۋ بارىسىندا تۋىنداعان بارلىق ماسەلەلەر شەشىلدى دەپ ويلايمىن», – دەپ تۇيىندەدى ول.
