بايقاۋشىلار حالىقارالىق اككرەديتاتسيادان ءوتىپ, پتر-تەست تاپسىرىپتى. ولاردىڭ پىكىرىنشە, سايلاۋ جوعارى دەڭگەيدە ۇيىمداستىرىلىپ وتىر.
«ەڭ الدىمەن, بۇگىنگى سايلاۋدا داۋىس بەرۋشىلەردىڭ قاۋىپسىزدىگىنە باسا ءمان بەرىلدى. بارلىق ۋچاسكە سانيتارلىق قۇرالدارمەن, ونىڭ ىشىندە قورعانىش ەكراندارى, سانيتارلىق كىلەمشەلەر, قول سانيتايزەرلەرى, مەديتسينالىق ماسكالارمەن جابدىقتالدى. زاڭ بۇزۋشىلىق بايقالعان جوق», دەيدى تمد ميسسياسىمەن كەلگەن حالىقارالىق بايقاۋشى ۆلاديمير زولوتوكوپوۆ.
تمد ميسسياسىنىڭ تاعى وكىلى, بايقاۋشى سەرگەي ۆورونوۆتىڭ پىكىرىنشە, سايلاۋ قازاقستان رەسپۋبليكاسىنىڭ زاڭدارىنا, حالىقارالىق ادام قۇقىقتارىن قورعاۋ جونىندەگى تالاپتارعا سايكەس ءوتتى.
«قازاقساتندا حالىقارالىق بايقاۋشىلاردىڭ كەدەرگىسىز جۇمىس ىستەۋىنە بارلىق جاعداي جاسالدى. سايلاۋ ۋچاسكەلەرىنە كەلگەن داۋىس بەرۋشىلەر بەلسەندىلىك تانىتتى. بۇل سايلاۋ قازاقستاننىڭ ساياسي-ەكونوميكالىق, الەۋمەتتىك رۋحاني دامۋىنىڭ جاڭا بەلەسى بولارىنا سەنەمىن», دەيدى بايقاۋشى سەرگەي ۆورونوۆ.
حالىقارالىق بايقاۋشىلار اتىراۋ قالاسىنداعى, سونداي-اق, اۋدان مەن اۋىلدارداعى سايلاۋ ۋچاسكەلەرىن ارالاپ شىقتى. ولار سايلاۋ ۋچاسكەلەرىندەگى سانيتارلىق قاۋىپسىزدىك شارالارىن, سايلاۋ پروتسەسىن باقىلادى.
