وكىنىشكە قاراي, قازىر حالىقتىڭ وسى تالعامى مەن تالابىنان ءبىزدىڭ بيلىك ورىندارى دا, سايلانبالى ورگاندار دا تولىق شىعىپ تۇرعان جوق. اسىرەسە دەپۋتاتتار ءوز مىندەتىن تولىعىمەن اتقارىپ وتىر دەپ ايتۋدىڭ ءوزى ارتىق. سوندىقتان بۇگىنگى سايلاۋدان كۇتەتىن ءۇمىت كوپ. قوعامنىڭ ءاربىر مۇشەسى اتا-بابا قاسيەتىنە ءتان ادالدىق, مادەنيەتتى, قوعامدى العا باستىراتىن, تۇلعاسىنا قاراپ بوي تۇزەيتىن جانداردىڭ حالىق ءسوزىن ۇستاعانىن قالايدى. پارلامەنتتە, ءماسليحاتتاردا ويى دا, سويى دا بيىك, ءسوزى دە, ءىسى دە ءىرى, قولى مەن جۇرەگى تازا ادامدار وتىرسا دەگەن ءۇمىتىم بار.
ونىڭ ۇستىنە بيىل تۇڭعىش رەت قوعامدىق ۇيىم رەتىندە كاسىپوداق مۇشەلەرى سايلاۋ ناۋقانىنا باقىلاۋشى رەتىندە قاتىسىپ جاتىر. ءبىزدىڭ سالالىق مادەنيەت, سپورت, تۋريزم جانە اقپارات قىزمەتكەرلەرى كاسىپوداق ۇيىمىنىڭ وزىنەن باتىس قازاقستان وبلىسىندا 40 شاقتى باقىلاۋشى بۇگىن سايلاۋ ۋچاسكەلەرىندە وتىر. ەلىمىزدىڭ ەرتەڭگى كۇنىنە ەرەكشە ىقپال ەتەتىن ساياسي ناۋقاننىڭ ۇيىمشىلدىقپەن ءوتۋىن تىلەيمىن.
