ء«بىزدىڭ سايلاۋ ۋچاسكەسىندە تىركەلگەن ەڭ قارت سايلاۋشى ناديمۋللا عابدۋريننىڭ جاسى – 92-دە. جاسىنىڭ ەگدەلىگىنە بايلانىستى بۇل سايلاۋشىنىڭ داۋىس بەرۋى ءۇشىن سايلاۋ جاشىگى ۇيىنە جىبەرىلدى. ال تاڭعى ساعات 7.00-دە 62 جاستاعى كەنجەباي دۇيسەنعاليەۆ العاشقى بولىپ تاڭداۋىن جاسادى. وعان ارنايى سىيلىق بەرىلدى. سونداي-اق مۇنداي مۇمكىندىككە 18 جاسقا تولىپ, ەڭ العاش داۋىس بەرۋشىلەر دە يە بولدى» دەيدى ايناگۇل ماقسوتقىزى.
اتالعان سايلاۋ ۋچاسكەسىندە 9 بايقاۋشى داۋىس بەرۋ بارىسىن باقىلاپ وتىر. ونىڭ ءبىرى –حالىقارالىق بايقاۋشى. ۋچاسكەدە سانيتارلىق تالاپتار ساقتالعان. ءبىر ەرەكشەلىگى, مۇندا داۋىس بەرۋگە كەلگەن سايلاۋشىلارعا شۇبات پەن باۋىرساق ۇسىنادى.
