«قۇرمەتتى قازاقستاندىقتار, وتانداستار! بۇكىل ەلىمىز بويىنشا ماڭىزدى ساياسي ءىس-شارا ءوتىپ جاتىر. ءبىز جەرگىلىكتى ءماسليحاتتار مەن ءماجىلىس دەپۋتاتتارىن سايلايمىز. بۇل جاي عانا داۋىس بەرىپ, كەتىپ قالاتىن ناۋقان ەمەس. بۇل ءار ازاماتتىڭ بيلىك تارماقتارىن قۇرۋعا قاتىسۋىنىڭ كونستيتۋتسيالىق مىندەتتەرىن سانالى تۇردە ورىنداۋى.
پارلامەنت جانە ءماسليحاتتار ءبىزدىڭ ەلىمىزدىڭ, مەملەكەتىمىزدە جۇمىس ىستەيتىن ءتيىستى زاڭداردى قابىلداۋعا قاتىسادى. بيىل - تاۋەلسىزدىگىمىزدىڭ 30 جىلدىعى. سوڭعى 30 جىل ىشىندە كوپ ءىس اتقارىلعانىن جاقسى بىلەسىزدەر. ءبىز اۋىزبىرلىگىمىز بەن ماقساتتى جۇمىس ىستەگەنىمىزدىڭ ارقاسىندا مەملەكەتتىڭ نەگىزىن قالادىق», دەدى نۇرسۇلتان نازارباەۆ سايلاۋ ۋچاسكەسىندە.
ەسكە سالا كەتەيىك, ەلىمىزدە پارلامەنتى ءماجىلىسى مەن ءماسليحات دەپۋتاتتارىن سايلاۋ باستالدى. قازاقستان بويىنشا 10 061 سايلاۋ ۋچاسكەسى جۇمىس ىستەپ تۇر. تۇتاستاي سايلاۋشىلاردىڭ سانى 11 ملن 820 مىڭ ادامدى قۇرايدى. نۇر-سۇلتان ۋاقىتى ساعات 10.00 بويىنشا ەلەكتوراتتىڭ 11,6% داۋىس بەرىپ ۇلگەردى.
