نۇر-سۇلتان ۋاقىتىمەن ساعات 8.00-دەگى جاعداي بويىنشا وبلىستىق, الماتى, شىمكەنت جانە نۇر-سۇلتان قالالارىنىڭ سايلاۋ كوميسسيالارى ۇسىنعان دەرەكتەرگە سايكەس رەسپۋبليكاداعى بارلىق 9994 سايلاۋ ۋچاسكەسى جانە شەت مەملەكەتتەردەگى قازاقستان رەسپۋبليكاسى وكىلدىكتەرىنىڭ جانىنداعى 17 سايلاۋ ۋچاسكەسى داۋىس بەرۋگە كىرىستى.
ۋچاسكەلىك سايلاۋ كوميسسيالارى سايلاۋشىلاردىڭ وتىنىشتەرى بويىنشا پارلامەنت ءماجىلىسى دەپۋتاتتارىن سايلاۋ بويىنشا داۋىس بەرۋ قۇقىعىن بەرەتىن 10599 ەسەپتەن شىعارۋ كۋالىگىن بەردى. وسى ەسەپتەن شىعارۋ كۋالىكتەرى بويىنشا ازاماتتار بۇگىن كەلگەن جەرىندەگى كەز كەلگەن ۋچاسكەدە داۋىس بەرە الادى.
ءماسليحاتتار دەپۋتاتتارىن سايلاۋ بويىنشا داۋىس بەرۋ قۇقىعىن بەرەتىن 11612 ەسەپتەن شىعارۋ كۋالىگى بەرىلدى.
جەرگىلىكتى اتقارۋشى ورگاندار مەن سايلاۋ كوميسسيالارى سايلاۋشىلار تىزىمدەرىنىڭ تولىقتىعى مەن دۇرىستىعىن تەكسەردى.
سايلاۋشىلار تىزىمىنە 11 ملن 915 مىڭ 903 سايلاۋشى ەندى.
