بۇل كورسەتكىش وتكەن جىلدىڭ جەلتوقسان ايىنىڭ العاشقى كۇندەرىمەن سالىستىرعاندا جوعارى. بۇل تۋرالى قوعامدىق كوممۋنيكاتسيا ورتالىعىندا وتكەن بريفينگتە ماڭعىستاۋ وبلىسى سانيتاريالىق-ەپيدەميالىق باقىلاۋ دەپارتامەنتىنىڭ باسشىسى عازيز نادۋەۆ ءمالىم ەتتى.
ماڭعىستاۋ وبلىسىنىڭ اۋماعىندا 2020 جىلدىڭ 27 ناۋرىزى مەن 5 قاڭتار ارالىعىندا (شاعىمى+شاعىمسىز) 3759 COVID -19 جاعدايى تىركەلدى. ونىڭ ىشىندە 1297 شاعىمى بار, 2462 شاعىمسىز ناۋقاس انىقتالىپ وتىر. اۋرۋشاڭدىقتىڭ كورسەتكىشى 531,4 قۇرايدى. رەپرودۋكتيۆتى كورسەتكىش 1,02. توسەك قورىنىڭ كورسەتكىشى 23%.
«ەپيدەميالىق تالداۋ قورىتىندىسى ناۋقاستىڭ 50 پايىزدان استامى بۇرىن كوروناۆيرۋس ىندەتىن جۇقتىرعاندارمەن تىعىز قارىم قاتىناستا بولعاندىعىن كورسەتتى», دەدى عازيز نادۋەۆ.
ايتا كەتەيىك, 2020 جىلدىڭ 1 تامىزىنان باستاپ 2021 جىلدىڭ 5 قاڭتارىنا ايىنا دەيىن 418 كوروناۆيرۋستىق پنەۆمونيا (تەست سىناماسى تەرىس ناتيجە بەردى) تىركەلدى. ونىڭ ىشىندە 14 جاسقا دەيىنگى بالالار 47% قۇرادى. ال 60-تان اسقان ناۋقاستار 36,0 پايىزدى قۇراپ وتىر.
سونداي-اق, وتكەن جىلدىڭ 1 قىركۇيەگىنەن وسى كۇنگە دەيىن مەكتەپ وقۋشىلارىنىڭ اراسىنان 37 «COVID -19» جاعداي انىقتالدى. ونىڭ ىشىندە, ونلاين رەجيمدە ءبىلىم الۋشىلار سانى - 35, وفلاين ادىسپەن - 2.
پاندەميا باستالعالى 166 مەديتسينا قىزمەتكەرى «COVID -19» ينفەكتسياسىن جۇقتىردى. وبلىس كولەمىندە كوروناۆيرۋس ينفەكتسياسىن پتر تاسىلىمەن انىقتاۋعا 6 لابوراتوريا جۇمىس ىستەيدى. ونىڭ 1-ەۋى ۇلتتىق ساراپتاما ورتالىعى, 4-ەۋى جەكە مەنشىك زەرتحانالار (وليمپ, چاكۋر, ينۆيۆو, ەتالون) جانە تاعى ءبىر زەرتحانا جاڭاوزەن قالالىق كوپبەيىندى اۋرۋحاناسىندا ورنالاسقان. وسى كۇنگە دەيىن بارلىعى 221 326 ادام تەكسەرىلدى. ورتا ەسەپپەن, تاۋلىگىنە 1 541 ادام پتر زەرتتەۋدەن وتكىزىلەدى. ۇلتتىق ساراپتاما ورتالىعىندا 26 752 تەست سىناماسى بار.
وبلىستا 17 تامىزدان باستاپ 24 مونيتورينگ توبى قۇرىلدى. بۇگىنگى تاڭدا مونيتورينگ توبىمەن 982 رەيد جۇرگىزىلىپ, 3571 نىسان تەكسەرىلدى. رەيد بارىسىندا 155 نىساندا بۇزۋشىلىقتار انىقتالىپ, 138 (24 جەكە كاسىپكەر, 113 جەكە تۇلعا, 1 زاڭدى تۇلعا) اكىمشىلىك حاتتاما (12 ملن. 695 460 تگ.) تولتىرىلدى.
«6-قازاننان باستاپ, وزبەكستانمەن شەكارالاس جاتقان «تاجەن» اۆتوموبيل وتكىزۋ پۋنكتى ارقىلى 13958 اۆتوكولىك جانە 749 جاياۋ جولاۋشى كىردى. پۋنكتتەن وتكەن 749 ادامنىڭ بارلىعى تەكسەرىلىپ, ەكەۋىنىڭ كوروناۆيرۋس ينفەكتسياسىنا تاپسىرعان تەست سىناماسى وڭ ناتيجە بەردى», دەدى عازيز نادۋەۆ.
ءباسپاسوز كونفەرەنتسياسىندا ماڭعىستاۋ وبلىستىق ءمودۋلدى ستاتسيوناردىڭ باسشىسى شاياحمادين بەرقاليەۆ تە قاتىستى. ونىڭ مالىمەتىنشە, ءمودۋلدى ستاتسيوناردا 52 ادام ەم قابىلداپ جاتىر. ونىڭ 12 جانساقتاۋ بولىمىندە جاتىر. 17 ناۋقاس اۋىر حالدە جاتىر. ونىڭ 5 وتە اۋىر جاعدايدا.
«اۋرۋحاناعا كوبىنەسە جاسى 60-تان اسقان ادامدار تۇسەدى. ولار جۇرەك پاتولوگياسى, ينسۋلت, قان قىسىمى, ساحار ديابەتى سياقتى باسقا دا ىلەسپە اۋرۋلاردان زارداپ شەگىپ وتىر. سول سەبەپتى مەديتسينالىق مەكەمەگە تۇسۋشىلەر جان ساقتاۋ بولىمىنە جاتقىزىلادى. بۇل ءبولىم 20 توسەك ورىنعا قاراستىرىلعان. رەانيماتسيالىق بولىمدە 35 ناۋقاس ەم الىپ جاتىر, ياعني بۇل ءبولىمنىڭ 60 پايىزى تولىپ تۇر. ستاتسيونارعا تاۋلىگىنە, شامامەن, 3-5 ادام كەلىپ تۇسەدى. ولاردىڭ كوبى مۇمكىندىگىنشە امبۋلاتوريالىق ەمگە جىبەرىلەدى», دەدى عازيز نادۋەۆ.
ايتا كەتەيىك, ءمودۋلدى ستاتسيونار اشىلعالى وسى كۇنگە دەيىن 160-قا جۋىق ناۋقاستى قابىلدادى.
