الماتى اكىمى باقىتجان ساعىنتاەۆتىڭ توراعالىعىمەن وتكەن كەڭەسكە قۇرىلىس كومپانيالارىنىڭ جانە كاسىبي قاۋىمداستىقتىڭ وكىلدەرى قاتىستى. جيىن بارىسىندا تۇرعىن ءۇي قۇرىلىس سالاسىندا قۇرىلىس مەرزىمىن ساقتاۋ جانە جۇمىس ساپاسىن ارتتىرۋ ماسەلەلەرى قارالدى.
الماتىدا بۇگىنگى كۇنى 779 قۇرىلىس نىسانى بار, ونىڭ ىشىندە 533 كوممەرتسيالىق وبەكتى. قالادا قۇرىلىس جۇمىستارىن بارلىعى 323 قۇرىلىس كومپانياسى مەن 135 تەحنيكالىق قاداعالاۋ ۇيىمى جۇزەگە اسىرادى.
مونيتورينگ ناتيجەلەرى بويىنشا 2020 جىلى قۇرىلىس كومپانيالارىنىڭ 80%-ى جاۋاپكەرشىلىككە تارتىلدى. 69 كومپانيانىڭ ليتسەنزيالارى التى اي مەرزىمگە توقتاتىلدى, 154 كومپانيا ءارتۇرلى ساناتتاعى قۇرىلىس ليتسەنزيالارىنان ايىرىلدى.
قۇرىلىس نورمالارىن بۇزعانى ءۇشىن جىل ىشىندە سالىنعان ايىپپۇلداردىڭ جالپى سوماسى 220,3 ملن تەڭگەنى قۇرادى. ونىڭ ىشىندە جەكە تۇلعالارعا – 124 ميلليون تەڭگە, جەكە كاسىپكەرلىك سۋبەكتىلەرىنە 272 ميلليون تەڭگە ايىپپۇل سالىندى.
نەگىزىگى ولقىلىقتار – جوبالىق شەشىمدەردەن اۋىتقۋ جانە قۇرىلىس جۇمىستارىن جۇرگىزۋ بارىسىندا ءتيىستى تالاپتاردى ساقتاماۋ. مىنە بۇلار قۇرىلىس ساپاسىنا كەرى اسەرلەرىن تيگىزۋدە.
مىسالى, قۇرىلىس ءوندىرىسىن جەتكىلىكسىز ۇيىمداستىرۋ, بەتون جۇمىستارى تەحنولوگياسىن جانە قايتا تولتىرۋ تەحنولوگياسىن بۇزۋ, كولىك جولىن قالپىنا كەلتىرمەۋ, قاۋىپسىزدىك شارالارىن ساقتاماۋ, كىرۋ جانە وپەراتسيالىق باقىلاۋدىڭ بولماۋى, جۇمىس كەستەسىنەن كەش قالۋ سياقتى فاكتىلەر انىقتالدى.
تەحنيكالىق قاداعالاۋ فۋنكتسيالارىن جۇزەگە اسىرۋعا ءتيىستى باقىلاۋدىڭ بولماۋى سالدارىنان 47 ادام جاۋاپقا تارتىلدى, ونىڭ 18-ءىنىڭ جۇمىستارى توقتاتىلدى.
الماتى اكىمى ب. ساعىنتاەۆ قۇرىلىس سالاسىن باقىلاۋدى كۇشەيتۋدى جانە قۇرىلىس جۇمىستارىنىڭ ساپاسىن جاقسارتۋ ماقساتىندا كەشەندى شارالار ازىرلەۋدى تاپسىردى.
ۇسىنىلعان ءىس-شارالار مىنالار: قۇرىلىس جۇرگىزۋشىلەردىڭ سەنىمدى رەيتينگىن قۇرۋ, تۇرعىن ءۇي قۇرىلىسى سالاسىندا تاجىريبەسى جوق كومپانيالاردىڭ قىزمەتىنە شەكتەۋ قويۋ. بۇلاردان وزگە, تاپسىرىس بەرۋشىگە تىيىم سالۋ جانە بەكىتىلگەن جۇمىس جوباسىنا قۇرىلىس ماتەريالىنا قاتىستى اۆتورلىق قاداعالاۋدىڭ وزگەرىستەر ەنگىزۋى ءۇشىن ءتيىستى تەتىكتەردى قولدانۋ مۇمكىندىگى قاراستىرىلۋدا.
تەحنيكالىق قاداعالاۋ ەسەبىنىڭ ءتۇرىن وزگەرتۋ دە تاعى ءبىر شارا بولىپ تابىلادى, مۇندا ورىندالعان جۇمىستاردىڭ كەستەسى جانە وعان قانشا ادامنىڭ تارتىلعانى كورىنىس تابۋى ءتيىس.
