«بۇل پرەزيدەنت قاسىم-جومارت توقاەۆتىڭ قىزمەتىنە كىرىسكەننەن كەيىن وتكىزىلەتىن العاشقى پارلامەنتتىك سايلاۋ بولماق. قازاقستان ۇكىمەتى بۇعان دەيىن ساياسي ليبەراليزاتسيانىڭ العىشارتى رەتىندە ەكونوميكالىق دامۋعا باسىمدىق بەرۋ تۋرالى ايتقان بولسا, ەندى پرەزيدەنت وسى ەكى باعىت بويىنشا قاتار ءجۇرۋ قاجەتتىگىن اشىق مويىندادى», دەيدى سۆانتە كورنەلل.
ساراپشى وسىلاردىڭ ناتيجەسىندە ەلدەگى ساياسي ءپليۋراليزمدى ارتاراپتاندىرۋعا جانە شىنايى كوپپارتيالىق جۇيەنى قۇرۋعا باعىتتالعان بىرقاتار رەفورما جۇرگىزىلگەنىن دە تىلگە تيەك ەتتى.
«قازاقستان حالىقارالىق قاۋىمداستىققا جۇگىنە وتىرىپ, ەقىۇ باقىلاۋشىلارىن سايلاۋعا شاقىرادى. بۇل سايلاۋ قازاقستانعا ۇەۇ مەن حالىقارالىق سەرىكتەستەردىڭ سىني تۇرعىسىنان قايشىلىقتار تۋعىزعانىمەن, ءوزىنىڭ ساياسي ۇدەرىسىندەگى پروگرەستى كورسەتۋگە ايتارلىقتاي مۇمكىندىك بەرەدى. وسى ءتاسىل ەۋرازيا مەن تاياۋ شىعىستىڭ بىرقاتار ەلىندە جۇزەگە اسىرىلعان رەۆوليۋتسيالىق وزگەرىستەردەن ماقساتتى تۇردە ەرەكشەلەنىپ وتىر», دەيدى ول.
سۆانتە كورنەلل قاڭتارداعى سايلاۋ قازاقستاننىڭ ساياسي جۇيەسىندە ەداۋىر رەۆوليۋتسيالىق وزگەرىستەرگە اكەلمەيتىنىن, دەگەنمەن ۋاقىت وتە كەلە ساياسي ءپليۋراليزمدى ەنگىزۋدىڭ باستاماسى بولاتىنىنا سەنىم ءبىلدىردى.
«اتالعان ساياسي ۇدەرىستى قازاقستان حالىقارالىق سەرىكتەستەردىڭ قولداۋىمەن جەدەلدەتە تۇسەدى. سوندىقتان قازاقستاندىق بيلىك تاۋەلسىز ساياسي كۇشتەرمەن بىرلەسىپ جۇمىس ىستەۋى ءتيىس», دەپ تۇيىندەدى سۆانتە كورنەلل.
