«اەروپراكت» جشس باسشىلىعىنان الىنعان الدىن-الا مالىمەتتەر بويىنشا تومەندەگىدەي جاعداي انىقتالدى:
ۆو-105 UP-ەس114 اۋە كەمەسىنىڭ ەكيپاجى بەكىتىلگەن ۇشۋ جوسپارىنا سايكەس ۇشۋ تاپسىرماسىن ورىندادى. پەتروپاۆل قالاسىنىڭ اۋەجايىنان 20 كيلومەتردە 300 فۋت بەرىلگەن بيىكتىككە كوتەرىلگەننەن كەيىن تىكۇشاقتىڭ وڭ قوزعالتقىشىنىڭ وزدىگىنەن ىستەن شىعۋى ورىن الدى. اۋە كەمەسىنىڭ كومانديرى پەتروپاۆل قالاسىنىڭ اۋەجايىندا اۋەدەن تاڭدالعان الاڭعا ءماجبۇرلى تۇردە قونۋعا شەشىم قابىلدادى. ءماجبۇرلى قونۋدى ورىنداۋ الدىندا ەكيپاج «قازاەروناۆيگاتسيا» رمك اقق ديسپەتچەرىنە قوزعالتقىشتىڭ ىستەن شىعۋى تۋرالى باياندادى.
تىكۇشاقتىڭ قونۋى 13:38-دە ءساتتى ورىندالدى. زارداپ شەككەندەر جوق.
اۆياتسيالىق وقيعا كەزىندە اۋە كەمەسىنىڭ بورتىندا ۇشقىش-نۇسقاۋشى جانە اۋە كەمەسىنىڭ كومانديرى بولعان.
قر يدم اۆياتسيالىق وقيعالار مەن ينتسيدەنتتەردى تەكسەرۋ باسقارماسىنىڭ قىزمەتكەرلەرى وسى اۆياتسيالىق وقيعاعا تەكسەرۋ جۇرگىزۋگە كىرىستى.
