مينيستر ءىس-ساپاردى اقتوبە قالاسىنداعى مەملەكەتتىك مۇراعات پەن كىتاپحانا قۇرىلىسى جوباسىنىڭ تۇساۋكەسەرىمەن تانىسۋدان باستادى. وسىدان كەيىن مارتوك اۋدانىنداعى مارتوك اۋىلىنا بارىپ, دەنە شىنىقتىرۋ جəنە ساۋىقتىرۋ كەشەنىن, وتكەن جىلى جۇمىسپەن قامتۋدىڭ جول كارتاسى اياسىندا كۇردەلى جوندەۋدەن وتكەن اۋداندىق مادەنيەت ءۇيىن كوردى. اۋدانداعى ء«زارۋ» پانتامەن ەمدەۋ-ساناتوريىندە اتقارىلعان جۇمىسپەن, ءوڭىردىڭ ءتۋريزمىن دامىتۋ جوسپارىمەن تانىستى.
وسىدان كەيىن قالاداعى ات سپورتى تۇرلەرىنەن №10 وبلىستىق بالالار مەن جاسوسپىرىمدەر مەكتەبىنە باردى. مەكتەپتە يپپوتەراپيا ادىسىمەن مۇمكىندىگى شەكتەۋلى بالالاردى وڭالتۋ جانە ەمدەۋ ءۇشىن سالىنعان جابىق مانەجدىڭ جۇمىسىمەن تانىستى.
سونىمەن قاتار اقتوتى رايىمقۇلوۆا ا.جۇبانوۆ اتىنداعى اقتوبە مۋزىكا كوللەدجىنىڭ جاي-كۇيىمەن تانىسىپ, «جەكپە-جەك» سارايىنا باردى. وبلىستىق تاريحي-ولكەتانۋ مۋزەيىن ارالاعان مينيستر «ونەر ورتالىعى» عيماراتىندا زيالى قاۋىم وكىلدەرىمەن كەزدەسىپ, ءوڭىر مəدەنيەتىن, سپورتىن دامىتۋعا ۇلەس قوسىپ كەلە جاتقان بىرقاتار ازاماتتى مينيسترلىك ناگراداسىمەن ماراپاتتادى.
