كەشە سەمەي قالاسىندا جۇرگەن ۇمىتكەرلەر داۋلەت مۇقاەۆ, ارداق نازاروۆ, ولجاس ورداباەۆتار قوعام قايراتكەرى, جۋرناليست, ەتنوگراف, الاش پارتياسى جەتەكشىلەرىنىڭ ءبىرى ءاليحان بوكەيحاننىڭ ەسكەرتكىشىنە گۇل شوقتارىن قويدى.
«بۇل – ءوز ەلىنىڭ تاۋەلسىزدىگى ءۇشىن كۇرەسكەن قازاق حالقىنىڭ كورنەكتى ۇلىنا دەگەن قۇرمەتتىڭ بەلگىسى», دەيدى ۇمىتكەرلەر. كانديداتتار گۇل قويۋ ءراسىمى كەزىندە ءاليحان بوكەيحاننىڭ شىنايى ءپاتريوتيزمنىڭ جانە وتانعا قىزمەت ەتۋدىڭ ۇلگىسى ەكەنىن اتاپ ءوتتى.
سونىمەن بىرگە شىعىس قازاقستان وبلىسىنىڭ «پريرەچنوە» اۋىلىندا ۇمىتكەر الماسبەك سادىرباەۆ «اگروفيرما «پريرەچنوە» جشس قىزمەتكەرلەرىمەن كەزدەسۋ وتكىزدى. ول پارتيانىڭ سايلاۋالدى باعدارلاماسىنىڭ باسىم باعىتتارى تۋرالى ەگجەي-تەگجەيلى ايتىپ بەردى جانە كاسىپورىن قىزمەتكەرلەرىنىڭ ۇسىنىستارىن تىڭدادى.
كەزدەسۋگە قاتىسۋشىلاردى كاسىپكەرلىك پەن اۋىل شارۋاشىلىعىن قولداۋعا باعىتتالعان باعدارلامانىڭ مىندەتتەرى قىزىقتىردى. كاسىپورىن قىزمەتكەرلەرى بيزنەستىڭ دامۋىن جەڭىلدەتەتىن جاڭا جاعدايلار جاساۋدى ۇسىندى.
سپيكەر اتاپ وتكەندەي, پارتيا شاعىن فەرمەرلەردى 2%-بەن ميكرونەسيەلەۋ ارقىلى قولداۋ قاجەت دەپ سانايدى. اگروونەركاسىپتىك كەشەن سۋبەكتىلەرىنىڭ ىنتىماقتاستىعىنىڭ ارقاسىندا ءوندىرىستى 20%-عا ۇلعايتۋ, سۋبسيديالار ارقىلى وزىق تەحنولوگيالاردى ەنگىزۋدى ىنتالاندىرۋ جانە شىعىنداردى ازايتۋ قاجەت.
جينالىسقا قاتىسۋشىلار ۇسىنىلعان شارالاردى قولدايتىنىن جەتكىزدى.
ADAL پارتياسىنىڭ توراعاسى سەرىك سۇلتانعاليدىڭ ايتۋىنشا, پارتيا تاراپىنان قازىرگى تاڭدا وتە اۋقىمدى, ماڭىزدى جəنە قاجەتتى جۇمىستار اتقارىلعان.
