ء«بىز مەكتەپ مەديتسيناسى سالاسىنداعى پروبلەمالىق ماسەلەلەردى تالقىلاۋ, ەسكەرۋ جانە كەلەسى جىلى قاجەت بولعان جاعدايدا نورماتيۆتىك-قۇقىقتىق اكتىلەرگە وزگەرىستەر ەنگىزۋ, قارجىلاندىرۋ ماسەلەلەرىن جانە باسقا دا پروبلەمالاردى شەشۋ ءۇشىن جينالدىق. بالالاردىڭ دەنساۋلىعى – ءبىزدىڭ جۇمىسىمىزدىڭ ماڭىزدى باعىتتارىنىڭ ءبىرى», دەدى اجار عينيات.
انا مەن بالا دەنساۋلىعىن قورعاۋ دەپارتامەنتى بالالار مەن جاسوسپىرىمدەر دەنساۋلىعىن قورعاۋ باسقارماسىنىڭ باستىعى جانار سادۋوۆانىڭ ايتۋىنشا, 2017 جىلدان باستاپ 2019 جىلعا دەيىن رەسپۋبليكا مەكتەپتەرىندە وقيتىنداردىڭ سانى 9%, ال ءبىر مەكتەپ مەدبيكەسىنە جۇكتەمە 6%-عا ارتقان.
«2017 جىلدان باستاپ مەكتەپ دارىگەرلەرى دەنساۋلىق ساقتاۋ جۇيەسىنە كوشكەلى مەديتسينا قىزمەتكەرلەرى اراسىندا بىلىكتىلىگىن ارتتىرعاندار قاتارى 2 ەسەگە كوبەيدى. ماتەريالدىق-تەحنيكالىق قامتاماسىز ەتۋ بويىنشا دا وڭ ديناميكا بار. ءۇش جىل ىشىندە مەديتسينالىق كابينەتتەردى جابدىقتاۋ 2017 جىلعى 52 پايىزدان 2019 جىلى 96 پايىزعا دەيىن جاقساردى, سونداي-اق قارجىلاندىرۋ 27 پايىزعا ارتتى: 2019 جىلى 7 ملرد تەڭگەدەن استام, 2020 جىلى 18 ملرد تەڭگەدەن استام ءبولىندى, 2021 جىلى 18 ملرد تەڭگە ءبولۋ جوسپارلانۋدا», دەدى ج.سادۋوۆا.
جۇرگىزىلگەن سكرينينگ سانى ارتقان: ورىنداۋ پايىزى 2017 جىلى 89% جانە 2019 جىلى 100% جەتتى. كورۋ ورگاندارى پاتولوگياسىنىڭ 1,4%, نەۆرولوگيالىق پاتولوگيالار 1,2%, ستوماتولوگيالىق پاتولوگيالار 1% تومەندەۋى بايقالادى, تىرەك-قيمىل اپپاراتىنىڭ پاتولوگياسىن انىقتاۋ 4%-عا ءوستى.
وقۋ كەشەندەرىندەگى گيگيەنالىق نورماتيۆ پەن تاماقتانۋ ستاندارتتارىنىڭ ساقتالۋىنا جاسالعان مونيتورينگ بارىسىندا 1-5 سىنىپ وقۋشىلارىندا ريۋكزاك سالماعى بويىنشا ءنورماتيۆتىڭ 2-2,5 ەسەگە دەيىن اسىپ كەتكەنى انىقتالدى, ال جەكە شكافتارمەن بار بولعانى 25,8% جابدىقتالعان.
«ەگەر مەكتەپتەگى دەنساۋلىق ساقتاۋ جۇيەسىنە جيىنتىق تالداۋ جۇرگىزسەك, وندا وندىرىستىك قاعيدات بويىنشا ساۋىقتىرۋدىڭ تومەن ەكەنى بايقالادى. ياعني تۇرعىلىقتى جەرى مەن وقۋ ورنى اراسىندا ايىرماشىلىق بولعان كەزدە ەمحانالار اراسىنداعى ساباقتاستىق, مەديتسينالىق اقپاراتتىق جۇيەلەردى ەنگىزۋدىڭ جەتكىلىكسىز دەڭگەيى جانە مەكتەپتەردەگى مەديتسينالىق پۋنكتتەر كومپيۋتەرلەر جەتپەگەننەن زارداپ شەگۋدە», دەپ اتاپ ءوتتى ج.سادۋوۆا.
سونداي-اق مەديتسينالىق كابينەتتەردى جابدىقتاۋ ستاندارتتالدى, BLS وقۋمەن جانە «مەكتەپ مەديتسيناسى» تسيكلىمەن قامتىلعان, مەكتەپتەگى مەديتسينا قىزمەتكەرلەرىنىڭ ساناتتىلىعى ارتتى, مەكتەپ وقۋشىلارىنىڭ تاماقتانۋ راتسيونى بويىنشا بىرىڭعاي ستاندارتتار ازىرلەندى جانە مەديتسينالىق اقپاراتتىق جۇيەلەردى مەكتەپتىڭ دەنساۋلىق ساقتاۋ جۇيەسىنە كەزەڭ-كەزەڭىمەن ەنگىزۋ كوزدەلدى.
«مەكتەپتەگى مەديتسينا قىزمەتكەرلەرىنىڭ بىلىكتىلىگىن ۋاقتىلى ارتتىرۋدى جوسپارلاۋ, وقۋشىلاردى پروفيلاكتيكالىق تەكسەرۋ جاعىن دامىتۋعا بولادى. سونداي-اق مەنشىك نىسانىنا قاراماستان, مەديتسينالىق ۇيىمداردى جاساقتاۋدى, مەملەكەتتىك مەديتسينالىق ۇيىمداردى «مەكتەپ مەديتسيناسى» سەرتيفيكاتى بار دارىگەرلەرمەن قامتاماسىز ەتۋ قاجەت», دەدى ج.سادۋوۆا.
ءىس-شارادا نۇر-سۇلتان قالاسىنىڭ مەكتەپ مەديتسيناسى ۇيلەستىرۋشىسىنىڭ جانە مەديتسينالىق ساقتاندىرۋ قورىنىڭ تالداۋ جانە بولجامداۋ دەپارتامەنتى وكىلىنىڭ باياندامالارى تىڭدالدى.
ۆيتسە-مينيستر ا.عينيات جوعارىدا كورسەتىلگەندەردى ەسكەرە وتىرىپ, جەرگىلىكتى دەنساۋلىق ساقتاۋ باسقارمالارىنا, قۇرىلىمدىق بولىمشەلەر مەن مينيسترلىككە قاراستى مەديتسينالىق ۇيىمدارعا تۇيتكىلدى ماسەلەلەردى شەشۋ ءۇشىن ءتيىستى تاپسىرمالار بەردى.
