كۋاگەرلەردىڭ ايتۋىنشا, ەۋروپالىق ءناسىلدى ازامات قايىرىمدىلىققا ارنالعان جاشىكتى بۇزىپ, اقشاسىن بەلگىسىز جاققا الىپ قاشقان.
جەدەل وقيعا بولعان جەرگە جەتكەن 5518 اسكەري ءبولىمىنىڭ پاترۋلدىك توپ باستىعى كىشى سەرجانت ازات ۋليانوۆ پەن قاتارداعى دجوحانگير امونوۆ بەرىلگەن دەرەكتەر بويىنشا دەرەۋ كۇدىكتىنى ىزدەۋگە كىرىسەدى.
بىرەر مينۋتتاردان كەيىن ۇلاندىقتار تۇرعىن ءۇي اۋلالارىنىڭ بىرىندە ءتۇر-سيپاتى كۇدىكتىگە سايكەس ك ەسىمدى ازاماتتى قولعا تۇسىرەدى. ۇستالعان كۇدىكتىنى تەكسەرۋ بارىسىندا ونىڭ ناركولوگيالىق ديسپانسەردە ەسەپتە تۇرعانى انىقتالادى. ماسەلەنىڭ ءمان-جايىن انىقتاۋ ءۇشىن ۇستالعان ازامات وسكەمەن قالالىق پوليتسياسىنىڭ ەرتىس پوليتسيا بولىمىنە جەتكىزىلدى. اتالعان دەرەك قر قك 188 بابىنىڭ 1- ءبولىمى (ۇرلىق) بويىنشا اەق-گە تىركەلدى.
