جولاۋشىلارعا قىزمەتتى قاراعاندى وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ ءوتىنىشى بويىنشا يندۋستريا جانە ينفراقۇرىلىمدىق دامۋ مينيسترلىگى وتكىزگەن كونكۋرستا جەڭىمپاز بولعان «Qazaq Air» اۋە كومپانياسى كورسەتەدى.
اتالعان باعىت بويىنشا اپتاسىنا ءتورت رەت قاتىنايتىن ۇشقتاعى باعا دا قولجەتىمدى: بۇرىن ءبىر بيلەتتىڭ قۇنى 12 مىڭ تەڭگە بولسا, قازىر ول ارزانداپ, 10 مىڭ تەڭگەنى قۇرادى.
بۇعان دەيىن جولاۋشىلار ىشىنە 30 ادام عانا سىياتىن ياك-40 ۇشاعىن پايدالانىپ كەلسە, ەندى ولارعا كانادالىق 76 ورىندىق زاماناۋي «Bombardier Q400» اۋە كەمەسى قىزمەت كورسەتەتىن بولدى. مۇنىڭ ءوزى بۇرىنعى 1 ساعات 10 مينۋتتىق ۇشۋ ۋاقىتىن 50 مينۋتقا دەيىن قىسقارتتى.
