الماتى قالاسى قوعامدىق دەنساۋلىق ساقتاۋ باسقارماسىنىڭ مالىمەتىنشە, 5 قاڭتارداعى جاعداي مىناداي: 665 ادام ستاتسيونارلىق ەم قابىلداپ جاتىر, ونىڭ ىشىندە 30 بالا بار. ونىڭ ىشىندە 548 ناۋقاستىڭ جاعدايى ورتاشا, 100 ادام اۋىر جانە 17 ادام وتە اۋىر جاعدايدا. جان ساقتاۋ بولىمىندە 60 ناۋقاس بار, 9 ادام – ءوجج اپپاراتىندا جاتىر. بۇگىندە توسەك قورىنىڭ 67,6% -ى بوس. ەستەرىڭىزگە سالا كەتەيىك, ستاتسيونارلاردىڭ جالپى قۋاتى – 7 011 توسەك-ورىن.
سوڭعى 10 كۇندە قالادا كوروناۆيرۋستىڭ جاڭا سيمپتومسىز جاعدايلارىن تىركەۋدىڭ ءوسۋ ديناميكاسى جاڭا جاعدايلاردىڭ كۇندەلىكتى تىركەلۋىن كورسەتەدى. وتكەن تاۋلىكتە 34 ادام باقىلاۋعا الىندى. ءوسىم 0,3% قۇرادى.
الماتى قالاسى قوعامدىق دەنساۋلىق ساقتاۋ باسقارماسىنىڭ شتاتتان تىس باس ينفەكتسيونيستى, «ي.جەكەنوۆا اتىنداعى قالالىق كلينيكالىق جۇقپالى اۋرۋلار اۋرۋحاناسى» شجق مكك دارىگەر-ساراپشىسى تامارا ۋتاگانوۆا مەگاپوليستەگى سىرقاتتانۋشىلىق جاعدايىنا تۇسىنىكتەمە بەردى.
«ۇزاق دەمالىستان كەيىن, ادەتتە, جرۆي جانە تۇماۋ اۋرۋىنىڭ ستاتيستيكاسى ارتادى. ۆيرۋستىق ينفەكتسيانىڭ ينكۋباتسيالىق كەزەڭى – 2 اپتا. تاۋەلسىزدىك مەرەكەسىنەن كەيىن, جاڭا جىلعا دەيىن 14 كۇن ءوتتى. سونىمەن قاتار, كۆي-مەن اۋىرعاندار سانىنىڭ ءوسۋى ماۋسىمدىق جاعدايلارمەن دە بايلانىستى, قازىر جرۆي مەن تۇماۋعا شالدىعۋدىڭ سانى وسكەن كەز, سۋىق ءتيىپ, تۇماۋ جۇقتىرعانداردىڭ كوبەيۋى اۋا-رايىنا بايلانىستى, قازىر الماتىدا قاتتى اياز تۇر», دەيدى تامارا ۋتاگانوۆا.
تامارا ۋتاگانوۆا ەمدەۋ الگوريتمىن ساقتاۋدىڭ جانە ءوزىن-ءوزى ەمدەۋمەن اينالىسپاۋدىڭ ماڭىزدىلىعىن ەرەكشە اتاپ ءوتتى جانە نەگىزگى ۇسىنىستارمەن ءبولىستى.
«اۋرۋ بەلگىلەرى پايدا بولعان كەزدە – دەنە قىزۋىنىڭ كوتەرىلۋى, مۇرىننىڭ بىتەلۋى, تاماقتىڭ اۋىرۋى, ءۇي كارانتينىن ساقتاپ, تۇرعىلىقتى جەرى بويىنشا ەمحاناعا مەديتسينالىق كومەككە جۇگىنۋ قاجەت. دەنە قىزۋى جوعارىلاپ, قاتتى باس اۋرۋى مازالاپ, جۇرەك اينۋ جانە قۇسۋ, ەنتىگۋ پايدا بولعان كەزدە جەدەل جاردەم شاقىرۋ كەرەك. ەشبىر جاعدايدا ءوز-ءوزىن ەمدەۋمەن اينالىسۋعا بولمايدى», دەيدى دارىگەر-ساراپشى.
بۇعان دەيىن تامارا ۋتاگانوۆا مەديتسينالىق بەتپەنى دۇرىس تاعۋ مەن ولاردى ءجيى اۋىستىرىپ تۇرۋ كەرەكتىگىن, سونىمەن بىرگە, ولاردى جويۋ ەرەجەلەرىن ساقتاۋ كەرەكتىگىن اتاپ وتكەن بولاتىن.
بۇگىنگى تاڭدا كوروناۆيرۋستى جۇقتىرۋ قاۋپى جوعارى. وسىعان بايلانىستى الماتى اكىمدىگى قالا تۇرعىندارى مەن قوناقتارىن بارلىق ساقتىق شارالارىن ساقتاۋعا شاقىرادى. الەۋمەتتىك قاشىقتىقتى ساقتاۋعا بەي-جاي قاراماي, بەتپەردە كيۋ جانە مۇمكىندىگىنشە ادامدار كوپ جينالاتىن جەرلەرگە بارۋدان اۋلاق بولۋى كەرەك, بۇل اسىرەسە 65 جاستان اسقان ادامدارعا قاتىستى.
