ايتقانداي, 2020 جىلدىڭ ماۋسىم ايىندا باسقارما باسشىسى لاۋازىمىنا الماتى اكىمىنىڭ ۋربانيستيكا جونىندەگى كەڭەسشىسى ناتاليا ليۆينسكايانىڭ تاعايىندالدى.
كوگالداندىرۋ ىسىنە كەلسەك, 2020 جىلى رەكوردتىق كولەمدە جاسىل كوشەت – 280 مىڭنان استام اعاش وتىرعىزىلدى. سالىستىرۋ ءۇشىن: 2019 جىلى 40 مىڭ اعاش وتىرعىزىلعانى ايتا كەتۋگە بولادى. سونىمەن 2020 جىلى ەڭ كوپ اعاش الاتاۋ, ناۋرىزباي جانە تۇركسىب اۋداندارىندا وتىرعىزىلدى.
ونىڭ ۇستىنە بىلتىر Jasyl Almaty ناۋقانى باستالدى. وسى كۇزدە جاسىل ەكونوميكا باسقارماسىنىڭ ماماندارى قالا تۇرعىندارىنا 551 كوشەتتى تەگىن تاراتتى.
قاراشا ايىندا LED-ەكرانداردا وتىرعىزىلعان اعاشتار سانى تۋرالى بەينەروليكتەر ىسكە قوسىلدى. روليكتەر ءار اۋدان بويىنشا مالىمەتتەردەن تۇردى, سونىمەن قاتار قالا بويىنشا اعاشتاردىڭ جالپى سانى شىعارىلدى.
2021 جىلى 300 مىڭ اعاش وتىرعىزۋ جوسپارلانعان. ال ءۇش جىل ىشىندە 1 ميلليون جاسىل جەلەك وتىرعىزىلادى
ەكولوگيا ماسەلەسىنە توقتالاتىن بولساق, الماتىدا قورشاعان ورتاعا تاراعان قالدىقتار 114 مىڭ توننانى قۇرادى. 64%-70 مىڭ توننا جىلجىمالى كوزدەر, 35% - 43 مىڭ توننا جەو-2 جانە ستاتسيونارلىق كوزدەر, 1% - 1 مىڭ توننا جەكە تۇرعىن ءۇي سەكتورى.
ءبىر جىل ىشىندە شىعارىندىلار دەڭگەيى 8 مىڭ توننا لاستاۋشى زاتتارعا تومەندەدى. لاستانۋدىڭ نەگىزگى كوزى كولىك بولىپ قالا بەرەدى.
قالا اۋاسىنىڭ نەگىزگى لاستاۋشىسى – اۆتوكولىك. ول بارلىق شىعارىندىلاردىڭ شامامەن 55% قۇرايدى. سوڭعى مالىمەتتەر بويىنشا, الماتىدا 520 مىڭنان استام اۆتوكولىك تىركەلگەن. سالىستىرۋ ءۇشىن ەلەكتروموبيلدەر سانى 194 قۇرايدى.
قازان ايىنىڭ سوڭىندا جاسىل ەكونوميكا باسقارماسى «مەدەۋ» بەكەتى ارقىلى «شىمبۇلاققا» كەدەرگىسىز ءوتۋ ءۇشىن ەلەكتركولىكتەرىن تىركەۋ ەلەكتروندىق ونلاين-سەرۆيسىن ىسكە قوستى. ناقتىلانعان مالىمەتتەر بويىنشا, بارلىعى 200-گە جۋىق ەلەكتروكار تىركەلگەن. بۇل سان جەڭىلدەتىلگەن تىركەۋ پروتسەسىنىڭ ارقاسىندا ارتادى.
سونىمەن قاتار, ءبىزدىڭ سەرىكتەستەرىمىز – Blue Sky Energy كومپانياسى «مەدەۋ-شىمبۇلاق» باعىتى بويىنشا 5 ەكوتاكسيدى ىسكە قوستى. قۋات كوزى ءۇش رەت كوتەرىلۋگە جەتكىلىكتى. كولىك شامامەن 1 ساعات قۋاتتالادى. بيىل ديزەلمەن جۇرەتىن قوعامدىق كولىگىن ساتىپ الۋعا تىيىم سالىندى. وتاندىق ءوندىرىستىڭ 150 بىرلىك گاز اۆتوبۋسى ساتىپ الىندى. ماسەلەن, بۇگىندە رەيستەرگە 358 گاز جانە 14 ەلەكتراۆتوبۋسى شىعادى.
قوعامدىق كولىك اۆتوپاركىن جاڭارتۋ ەسەبىنەن زياندى زاتتاردىڭ شىعارىندىلارى 10 مىڭ تونناعا تومەندەدى.
سونداي-اق, اۋانى نەگىزگى لاستاۋشىلاردىڭ ءبىرى – جەو-2. جەو-2 قالا اتموسفەراسىنا تۇسەتىن جالپى شىعارىندىلار كولەمى ارقىلى اسەرى ءار ءتۇرلى باعالاۋلار بويىنشا 13-تەن 27%-عا دەيىن قۇرايدى. بۇگىنگى تاڭدا جەو-2 شىعارىندىلارى جىلىنا 38 مىڭ توننانى قۇرايدى. جەو-2 گازعا اۋىستىرۋ نۇسقاسى ازىرلەندى جانە تاڭدالدى: قازاندىقتاردى گازعا اۋىستىرۋ ارقىلى جاڭعىرتۋ جۇرگىزىلەدى. بۇل شىعارىندىلاردى جىلىنا 6,8 مىڭ تونناعا دەيىن قىسقارتۋعا مۇمكىندىك بەرەدى.
كۇشەيتىلگەن باقىلاۋ ءۇشىن باسقارما قوسىمشا توعىز ەكوبەكەت اشىپ, ەسكى ون بەكەتتى جاڭعىرۋدى كوزدەپ وتىر.
بيىل ءبىز اكىمدىكتىڭ اۋقىمدى جوبالارىنىڭ ءبىرى – الماتى قالاسىنىڭ تۇركسىب اۋدانىندا اشىلعان «جەلتوقسان» ساياباعى بولدى. ونىڭ كولەمى 100 گەكتار. رەكرەاتسيالىق ايماققا اۋەجاي كولىنىڭ جاعالاۋى كىرەدى. مۇندا ءبىز 100 قىلقان جاپىراقتى اعاشتاردى وتىرعىزىلدى.
«دوستىق» جانە «قاراسۋ» ساياباقتارىن سالۋ جانە رەكونسترۋكتسيالاۋ جۇمىستارىنىڭ اياقتالۋىنا از ۋاقىت قالدى. جاقىندا ولاردىڭ اشىلۋى بولادى. ءبىر قىزىعى, ەكى جوبا دا جەرگىلىكتى تۇرعىندارمەن بىرلەسىپ جاسالدى.
سونىمەن قاتار, جوبالار اياسىندا قالانى اباتتاندىرۋ جانە كوگالداندىرۋ جۇمىستارى جۇرگىزىلۋدە.
سۋ وبەكتىلەرىنە كەلەتىن بولساق, 2020 جىلى قالادا العاش رەت ارىقتاردى تۇگەندەۋدە اۋقىمدى جۇمىس جۇرگىزىلدى. قازىر ولاردى ورنالاستىرۋ بويىنشا ۇسىنىستار ازىرلەي وتىرىپ, جىكتەۋ جانە تيپتەۋ بويىنشا تالدامالىق جۇمىستار جۇرگىزىلۋدە.
