«2019 جىلى كوممۋنالدىق قىزمەتتەردىڭ جابدىقتارىن سارالاعاندا, ولاردىڭ 30% توزعانىن كوردىك. ارنايى تەحنيكالاردى جۇيەلى تۇردە جاڭارتىپ كەلەمىز. بۇل — جۇمىستىڭ قارقىنىن ارتتىرۋمەن قاتار, اۋا رايىنا قاراماستان كۇندىز-ءتۇنى جۇمىس ىستەۋگە ءماجبۇر كوممۋنالدىق قىزمەتكەرلەردىڭ جۇمىسىنا قولايلى.
«استانا تازالىققا» ءبىرىنشى كەزەڭدە 60 ارنايى تەحنيكا مەن قوسىمشا جابدىقتار بەرىلىپ وتىر. ولار — قالاقتى تيەگىشتەر, تراكتورلار, مينيتيەگىشتەر, سىپىرعىش ماشينالار, بىرەگەي جول ماشينالارى جانە ت.س.س. بيىل «استانا تازالىق» پەن «استانا زەلەنسترويدىڭ» پاركى 125 ارنايى تەحنيكامەن جانە 100 قوسىمشا جابدىقپەن تولىعادى. ولاردىڭ ءبىرازىن كوكتەمگى-جازعى ماۋسىمدا قولدانۋعا بولادى.
بىلتىر كوممۋنالدىق شارۋاشىلىقتاردىڭ اۆتوپاركى 165 ارنايى تەحنيكا جانە جابدىقپەن تولىققان بولاتىن. سونىمەن بىرگە, قىزمەتكەرلەردى ىنتالاندىرۋ دا كولەڭكەدە قالماۋى كەرەك: 2019 جىلى ولاردىڭ جالاقىسى ءوسىرىلىپ, سىياقى دا ەنگىزىلدى. بۇلايشا جاعداي جاساۋ بيىل دا جالعاساتىن بولادى», — دەپ جازدى التاي كولگىنوۆ.
