وتىرىسقا ساياسي پارتيالاردىڭ, ەقىۇ/دياقب جانە تمد ميسسيالارى وكىلدەرى, بەينەكونفەرەنتسبايلانىس رەجيمىندە اۋماقتىق سايلاۋ كوميسسيالارى, ونلاين رەجيمىندە بۇقارالىق اقپارات قۇرالدارىنىڭ وكىلدەرى قاتىستى. 2020 جىلعى 29 جەلتوقسان مەن 2021 جىلعى 4 قاڭتار ارالىعىنداعى كەزەڭدە ورتالىق سايلاۋ كوميسسياسىنا سىرتقى ىستەر مينيسترلىگىنەن اككرەديتتەۋگە قوسىمشا 4 حالىقارالىق ۇيىم مەن 7 شەت مەملەكەتتەن 24 بايقاۋشىنىڭ كانديداتۋراسى ۇسىنىلعان.
وسىعان بايلانىستى, وتىرىس شەڭبەرىندە ورتسايلاۋكوم حالىقارالىق ۇيىمدار مەن شەت مەملەكەتتەردىڭ بايقاۋشىلارىن اككرەديتتەۋ تۋرالى قاۋلى قابىلدادى. وتىرىستى قورىتىندىلاي كەلە, ورتسايلاۋكوم توراعاسى بەرىك يماشەۆ حالىقارالىق ۇيىمدار مەن شەت مەملەكەتتەردىڭ بايقاۋشىلارىن اككرەديتتەۋ تۋرالى ماسەلە ورتسايلاۋكومنىڭ 7 وتىرىسىندا قارالعانىن اتاپ ءوتتى. «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭعا سايكەس شەت مەملەكەتتەر مەن حالىقارالىق ۇيىمداردىڭ بايقاۋشىلارىن اككرەديتتەۋ داۋىس بەرۋ كۇنىنە بەس كۇن قالعاندا جەرگىلىكتى ۋاقىت بويىنشا ساعات 18.00-دە, ياعني بۇگىن ساعات 18.00-دە اياقتالدى», دەيدى ورتالىق سايلاۋ كوميسسياسىنىڭ مۇشەسى اناستاسيا ششەگورتسوۆا.
وسىلايشا, شەت مەملەكەتتەر مەن حالىقارالىق ۇيىمداردىڭ بايقاۋشىلارىن اككرەديتتەۋ قورىتىندىلارى بويىنشا قازاقستان رەسپۋبليكاسى پارلامەنتى ءماجىلىسى جانە ءماسليحاتتارى دەپۋتاتتارىنىڭ كەزەكتى سايلاۋىنا بارلىعى 398 بايقاۋشى اككرەديتتەلدى, ونىڭ ىشىندە:
- 10 حالىقارالىق ۇيىمنان – 322 بايقاۋشى (تمد پارلامەنتارالىق اسسامبلەياسى-48; تمد اتقارۋشى كوميتەت - 179; يسلام ىنتىماقتاستىق ۇيىمى – 4; ەقىۇ – نىڭ دەموكراتيالىق ينستيتۋتتار جانە ادام قۇقىقتارى جونىندەگى بيۋروسى – 42; ەقىۇ پارلامەنتتىك اسسامبلەياسى – 9; شانحاي ىنتىماقتاستىق ۇيىمى – 15; تۇركىتىلدەس مەملەكەتتەردىڭ ىنتىماقتاستىق كەڭەسى – 7; ۇجىمدىق قاۋىپسىزدىك تۋرالى شارت ۇيىمىنىڭ پارلامەنتتىك اسسامبلەياسى – 7; تۇركىتىلدەس ەلدەردىڭ پارلامەنتتىك اسسامبلەياسى-9; ەو – نىڭ قازاقستانداعى وكىلدىگى-2); - 31 شەت مەملەكەتتەن - 76 (يوردانيا, قىرعىزستان, مالديۆ, مولدوۆا, تۇركيا, ءازىربايجان, ارمەنيا, يندونەزيا, وزبەكستان, رەسەي, رۋمىنيا, ءۇندىستان, فيليپپين, ۆەنگريا, يسپانيا, نورۆەگيا, فرانتسيا, شۆەيتساريا, پولشا, چەحيا, يتاليا, ەستونيا, ۋكراينا, گەرمانيا, بەلگيا, پالەستينا, ۇلىبريتانيا, موڭعوليا, شۆەتسيا, كانادا, فينليانديا). وتىرىستان كەيىن بۇقارالىق اقپارات قۇرالدارى ءۇشىن بريفينگ ءوتتى, وندا ورتسايلاۋكوم مۇشەلەرى باق سۇراقتارىنا جاۋاپ بەردى.
