جابىرلەنۋشىگە كەلتىرىلگەن شىعىننىڭ كولەمى 2 ميلليون تەڭگەنى قۇرايدى. اتالعان جايتتى پوليتسەيلەر قر قك-ءنىڭ 188-بابى «ۇرلىق» بويىنشا تىركەۋگە الدى.
وسىدان سوڭ وقيعا ورنىنا اتتانىپ, جەدەل شارالاردى جۇرگىزدى. مال تاسيتىن كولىكتەردى, مال بازارلاردى تۇگەل تەكسەرىپ شىقتى. نەبارى ءبىر كۇن ىشىندە جەدەل ۋاكىلدەر 8 باس سيىردى 4 جەرگىلىكتى تۇرعىننىڭ ۇرلاعانىن انىقتادى. كۇدىكتىلەر كورشىلەس اۋىلدىڭ تۇرعىندارى بولىپ شىقتى.
ولاردىڭ ۇشەۋى قولعا ءتۇسىپ, بىرەۋىنە ىزدەۋ جاريالانعان. ۇستالعاندارعا قاتىستى تەرگەۋ امالدارى جۇرگىزىلدى. بەلگىلى بولعانداي, كۇدىكتىلەر جابىرلەنۋشىنىڭ ۇيىندە جوق ەكەندىگىن پايدالانىپ, الدىن الا ءسوز بايلاسىپ, ءوز ارام ىستەرىن ىسكە اسىرعان. سودان سوڭ سيىرلاردى تانىستارىنىڭ ۇيىنە الىپ بارىپ, سول جەردە ەكەۋىن سويعان. ەتىن ءوزارا ءبولىپ العان. ال قالعان مالدى سويىپ نەمەسە ساتىپ ۇلگەرمەيدى. ويتكەنى ارىز تۇسكەننەن سوڭ جەدەل ارەكەتكە كوشكەن پوليتسەيلەر ولاردى قالعان التى سيىرمەن بىرگە سول كۇنى ۇستاپ, تاركىلەنگەن ءىرى قارالاردى يەسىنە قايتاردى. كۇدىكتى ءتورت ەر ازاماتتىڭ ۇشەۋىنە قاتىستى ءىس سوتقا جولدانىپ, سوتتىڭ شەشىمىمەن 5 جىلعا باس بوستاندىقتارىنان شەكتەۋ جازاسى تاعايىندالدى.
ال ىزدەۋدە بولعان 4-ءشى كۇدىكتى دە ۇستالىپ, وعان قاتىستى تەرگەۋ امالدارى جۇرگىزىلۋدە. ءىس تولىق اياقتالىپ, قۇجاتتار جيناقتالعاننان سوڭ ونىڭ دا ءىسى زاڭعا سايكەس سوتقا جولداناتىن بولادى.
