بىرىنشىدەن, انيلين Viral Protect كومپانياسىنىڭ M جانە L ولشەمدى قارا ماسكالاردىڭ ءبىر عانا پارتياسىنان تابىلدى. بۇدان باسقا, ءوندىرۋشىنىڭ اسسورتيمەنتىندە انيلين جوق باسقا دا مودەلدەر بار.
ءوندىرۋشى فيرمانىڭ بارلىق ونىمدەرى سەرتيفيكاتتالعان جانە قاۋىپسىز ەكەنى تەكسەرىلگەن. دەگەنمەن, قاۋىپتى دەپ سانالعان پارتيا ساتىلىمنان الىنىپ تاستالدى. ايتا كەتەرلىك جايت, حيميالىق زاتتاردىڭ شامادان تىس ەكەندىگىن راستايتىن ساراپتاما ءالى جۇرگىزىلگەن جوق. سوندىقتان ماسكالاردىڭ شىنىمەن ۋلى بولعان دەپ ايتا المايمىز.
ەكىنشىدەن, انيلين – بۇل, شىنىمەن, ۋلى زات, جوعارى كونتسەنتراتسيادا ول ورتالىق جۇيكە جۇيەسىنە تەرىس اسەر ەتۋى مۇمكىن. الايدا, وندىرىستە از مولشەردە جانە قاجەتتى ساقتىق شارالارىن ساقتاي وتىرىپ, كەڭىنەن قولدانىلادى. ءانيليندى رەزەڭكە, گەربيتسيدتەر مەن بوياعىشتار شىعارۋ ءۇشىن پايدالانادى. ايتا كەتەيىك, ونىمەن بوياعىشتارمەن ءارتۇرلى ماتالاردان تىگىلگەن كيىمدەردى بويايدى. سونداي-اق, دجينسىعا ارنالعان بوياعىشتاردا ءجيى كەزدەسەدى.
انيلينگە نەگىزدەلگەن بوياعىشتار قاراپايىم دۇكەندەردە ساتىلادى جانە ۇيدە قولدانۋعا جارامدى. تاركىلەنگەن ماسكا پارتياسى جاسالعان ماتەريال ءدال وسىنداي بوياۋمەن بويالعان بولۋى مۇمكىن. جوعارىدا ايتىلعانداردىڭ ناتيجەسىندە, مەديتسينالىق ماسكالار اسا قاۋىپتى دەگەن قاۋەسەتتەر اسىرا سىلتەۋشىلىك دەۋگە بولادى.
انيلين ماسكانىڭ ناقتى مودەلىنىڭ ءبىر پارتياسىندا ەكى ولشەمدە عانا انىقتالعان. ونىڭ ۇستىنە, زات مولشەرىنىڭ رۇقسات ەتىلگەن نورمادان اسىپ كەتكەن-كەتپەگەندىگى بەلگىسىز.
