قر ءىىم تجك رەسپۋبليكالىق جەدەل قۇتقارۋ جاساعى وتكەن دەمالىستا قۇتقارۋ وپەراتسياسىن جۇرگىزدى.
«2021 جىلدىڭ 3 قاڭتار كۇنى, ساعات 15.40-تا قر تجم رجقج كەزەكشى-ديسپەتچەرلىك بولىمىنە, 1997 جىلى تۋعان ەر ادامنىڭ اياعىن سىندىرىپ الىپ, وزدىگىمەن قوزعالا المايتىنى تۋرالى حابارلاما كەلىپ ءتۇستى. 8 اداممەن ونىڭ ىشىندە 1 كينولوگيالىق ەسەپتەن تۇراتىن قۇتقارۋ توبى جانە جەدەل – جاردەم كولىگى وقيعا ورنىنا بىردەن اتتاندى. جولدا جەدەل توپ جابىرلەنۋشىنىڭ دوستارىمەن حابارلاسىپ, ولاردىڭ ناقتى قايدا ەكەنىن انىقتادى.قۇتقارۋشىلار زارداپ شەگۋشىنىڭ دوستارىمەن ۇزبەي بايلانىس ورناتا وتىرىپ, ولاردىڭ جاعدايلارىن ءبىلىپ, ورىندارىنان قوزعالماۋلارىنا كەڭەس بەردى», دەپ حابارلادى ءباسپاسوز قىزمەتىنەن.
بەلگىلى بولعانىنداي دوستار تاۋدان تومەن سىرعاناعان 24 جاستاعى ەر ادام قاتتى جىلدامدىقپەن تومەن سىرعاناپ كەلە جاتىپ تاسقا سوعىلعان, سالدارىنان سول اياعىن سىندىرىپ العان. قۇتقارۋشىلار وقيعا ورنىنا دەر كەزىندە جەتىپ دارىگەرگە دەيىنگى العاشقى كومەك كورسەتتى, جاراقات العان جىگىتكە جىلى كيىم كيگىزىپ, اياعىن تاڭىپ تاسىمالداۋدى باستادى.
«زارداپ شەككەن ادامدى تاسىمالداۋ, سوقپاقتىڭ مۇزدى - سىرعاناق بولۋىمەن كۇردەلەنە ءتۇستى. سوعان قاراماستان ونى شاتقال اۆتوكولىك تۇراعىنا جاقىن ورنالاسقان, شلاگباۋمىنىڭ جانىندا كۇتىپ تۇرعان اپات مەديتسينا ورتالىعى بريگاداسىنا تاپسىردىق», دەدى رەسپۋبليكالىق جەدەل قۇتقارۋ جاساعىنىڭ ماماندارى.
