الماتى كىتاپحانالارى جاڭا جۇمىس فورماتىنا كوشەدى

كىتاپحانالاردى مودەرنيزاتسيالاۋدىڭ باستى مىندەتى – قىزمەتتەردىڭ ساپالى جاڭا جۇيەسىن قۇرۋ، كىتاپحانالاردى ءبىلىم الۋ، كوممۋنيكاتسيا جانە بوس ۋاقىتتى وتكىزۋ ءۇشىن كوپفۋنكتسيونالدى ورتالىقتارعا اينالدىرۋ.

قالالىقتاردىڭ وقۋعا، ازاماتتىق، شىعارماشىلىق، زياتكەرلىك الەۋەتىن اشۋعا قىزىعۋشىلىعىن ارتتىرۋ ءۇشىن قالانىڭ ءار اۋداندارىندا ورنالاسقان 25 كىتاپحانانىڭ فيليالدارى مودەرنيزاتسيالانۋدا.

سولاردىڭ ءبىرى – جامبىل اتىنداعى قالالىق جاسوسپىرىمدەر كىتاپحاناسى، مۇندا كۇن سايىن 500-دەن 1،5 مىڭعا دەيىن وقىرماندار كەلەتىن زاماناۋي وقۋ ورتالىعى قۇرىلدى.

2019 جىلى №№ 15، 20، 24، 32، 33 فيليال كىتاپحانالارى قايتا جاسالدى، 2020 جىلى تاعى 10، №№ 1، 4، 6، 26، 29، 30 كىتاپحانالار جاڭارتىلدى، چەحوۆ اتىنداعى ورتالىق قالالىق كىتاپحانا، كرىلوۆ اتىنداعى قالالىق بالالار كىتاپحاناسى، قازاقستان جازۋشىلارىنىڭ كىتاپحانالارى.

كىتاپحانالاردىڭ زاماناۋي ديزاينى ۋاقىتتى جاقسى وتكىزۋگە مۇمكىندىك بەرەدى، بۇل شىعارماشىلىق وقىرماندار قاۋىمداستىعىنىڭ كەزدەسۋلەرىن، شەبەرلىك سىنىپتارىن جانە قىزىقتى ادامدارمەن كەزدەسۋلەرى ءۇشىن ىڭعايلى الاڭ.

كىتاپ قورى ينتەرنەتتە جالپىعا قولجەتىمدى، جايلى بولمەلەر جابدىقتالعان، پايدالى اقپاراتتى جىلدام تابۋعا كومەكتەسەتىن زاماناۋي تەحنولوگيالار قولدانىلادى. بالالار مەن جاس وقىرماندار ءۇشىن ويىندارعا، دەمالۋعا جانە كىتاپ وقۋعا قولايلى جاعدايلار جاسالعان.

مودەرنيزاتسيادان كەيىن جاڭا كىتاپحانالار تەك كىتاپ وقيتىن ورىن عانا ەمەس، سونىمەن قاتار الماتىلىقتار وزدەرىنىڭ شىعارماشىلىق الەۋەتىن ىسكە اسىراتىن، دەمالىپ، جۇزدەسەتىن ورىنعا اينالادى. سونىمەن قاتار، جاڭا كىتاپحانالار ءارتۇرلى ساناتتاعى وقىرماندار ءۇشىن ەركىن ۇيىرمەلەر جۇمىسىن ۇيىمداستىرۋدا.

2020 جىلدىڭ جەلتوقسانىندا «ALATAU CREATIV HAB» جاڭا شىعارماشىلىق ورتالىعى اشىلدى. مۇندا تۇرعىندارعا جاڭا كىتاپحانانىڭ جۇمىسى ۇسىنىلادى، بالالارعا ارنالعان ءبىلىم بەرۋ ءىس-شارالارى، پرەزەنتاتسيالار، ترەنينگتەر جانە 20 تەگىن ۇيىرمەلەردىڭ جۇمىستارى ۇيىمداستىرىلعان.

2021 جىلى كىتاپحانا جۇيەسىن مودەرنيزاتسيالاۋ قالعان ءۇش كىتاپحانا فيليالدارىندا جۇزەگە اسادى، ولار: №39 بالالار فيليالى (دوستىق داڭعىلى، 111/4)، №14 بۇقارالىق كىتاپحانا فيليالى (ريمسكي-كورساكوۆا كوشەسى، 3) جانە بەگالين اتىنداعى ورتالىق قالالىق بالالار كىتاپحاناسى.