تاۋەلسىزدىكتىڭ 30 جىلدىعى اتاپ وتىلەتىن مەرەيلى جىلعا قادام باسار ساتتە ۇزىندىعى 80 مەترلىك تۋتۇعىر كومپوزيتسياسى اشىلعان ەدى. دوعا پىشىندەس كومپوزيتسيانىڭ ورتا تۇسىندا ەلىمىزدىڭ كارتاسى, جوعارعى جاعىنا ەلتاڭبا قويىلىپ, ال شەتكى بولىگىنە ءانۇران جازىلعان. كونۋس ءتارىزدى تۋتۇعىرعا كولەمى 29ح14,5 مەترلىك تۋ ىلىنگەن بولاتىن.
«قالادا جەل ەكپىنى كۇشەيگەندىكتەن, تۋتۇعىرداعى بايراقتى الىپ تاستاۋعا شەشىم قابىلداندى. ويتكەنى مەملەكەتتىك تۋعا اسا قاستەرلى ءرامىز رەتىندە ەرەكشە نازار اۋدارۋ كەرەك. سول سەبەپتەن تۋدىڭ الىنۋى اۋا-رايىنىڭ قولايسىزدىعىنا بايلانىستى بولىپ وتىر» دەيدى وبلىستىق ىشكى ساياسات باسقارماسىنىڭ باسشىسى قانات ءازمۇحانوۆ.
ونىڭ ايتۋىنشا, اۋا-رايى تۇراقتالعاننان كەيىن تۋ قايتادان ىلىنەدى.
