بۇگىنگى تاڭدا الماتىدا بارلىق اۋماقتىق سايلاۋ كوميسسيالارى (1 قالالىق, 8 اۋداندىق) جەكە كابينەتتەرمەن, جيھازبەن, كەڭسە تەحنيكاسىمەن جانە بايلانىسپەن قامتاماسىز ەتىلىپ, ينتەرنەتكە قوسىلعان. سايلاۋ ۋچاسكەلەرىن جابدىقتاۋ ماقساتىندا بۇگىنگى تاڭدا قاجەتتى قۇرالدار ساتىپ الىنىپ, ۋچاسكەلەرگە جەتكىزىلدى. ولاردىڭ ىشىندە ستاتسيونارلىق جانە تاسىمالداناتىن جاشىكتەر, جاسىرىن داۋىس بەرۋ كابيناسىنا ارنالعان ماتالار, سىرتقى جانە ىشكى اقپاراتتىق ستەندتەر جانە ت.ب. بۇگىنگى كۇنى قالادا 581 سايلاۋ ۋچاسكەسى بار.
قر باس مەملەكەتتىك سانيتار دارىگەرى بەكىتكەن الگوريتمگە سايكەس, ءاربىر سايلاۋ ۋچاسكەسىندە سايلاۋ وتكىزۋ كەزىندە كوروناۆيرۋستىق ينفەكتسيانىڭ تارالۋىنىڭ الدىن الۋ جانە سانيتارلىق-ەپيدەميالىق قاۋىپسىزدىكتى جانە ازاماتتاردىڭ دەنساۋلىعىن قورعاۋدى قامتاماسىز ەتۋ بويىنشا قاجەتتى جۇمىستار جۇرگىزىلدى.
اتاپ ايتقاندا, مەگاپوليستە سانيتارلىق قاۋىپسىزدىكتى قامتاماسىز ەتۋ ماقساتىندا سايلاۋ ۋچاسكەلەرىن سانيتارلىق قورعاۋ قۇرالدارىمەن جابدىقتاۋ ماسەلەسى شەشىلدى:
- مەديتسينالىق ءبىر رەتتىك ماسكالار (سايلاۋشىلار ءۇشىن);
- بايلانىسسىز ينفراقىزىل تەپلوۆيزورلار;
- قاشىقتىقتى ساقتاۋ ءۇشىن تاڭبالاۋ تاسپالارىنىڭ ورامدارى جانە ت. ب.
ەستەرىڭىزگە سالا كەتەيىك, پارلامەنت ءماجىلىسىنىڭ دەپۋتاتتارىن سايلاۋ ناۋقانى اتالعان كونستيتۋتسيالىق مەرزىمدەرگە قاتاڭ سايكەس تاعايىندالدى جانە كەزەكتى بولىپ تابىلادى. سايلاۋ جالپىعا بىردەي جانە تىكەلەي سايلاۋ قۇقىعى نەگىزىندە پارتيالىق تىزىمدەر بويىنشا جاسىرىن داۋىس بەرۋ جولىمەن جۇزەگە اسىرىلادى. ءار سايلاۋشى ءوز داۋىسىن ءبىر رەت جانە تەك ءبىر عانا ۇمىتكەرگە بەرە الادى.
ءوز سايلاۋ ۋچاسكەڭىزدى بايلانىس ورتالىعىنان اپتاسىنا 7 كۇن ساعات 8:00-دەن 20:00-گە دەيىن جۇمىس ىستەيتىن 221-10-01 بىرىڭعاي تەگىن ءنومىرى بويىنشا بىلۋگە بولادى. سونداي-اق تەلەگرام-بوتتىڭ @sailau_almaty كومەگىمەن جانە «Open Almaty» ونلاين-سەرۆيستەرىنەن اقپارات الۋعا جانە http://service.almaty.kz/ru.سايلاۋشىلار تىزىمىنەن ءوزىڭىزدى تەكسەرۋگە بولادى.
