بەكىتىلگەن جوسپارعا سايكەس مەرەكەلىك ءىس-شارا مەكەمە باستىعى ادىلەت پودپولكوۆنيگى داستان ءابدىراحماننىڭ سوتتالعانداردى قۇتتىقتاۋ سوزىمەن اشىلدى. مەرەكەلىك ءىس-شاراعا سوتتالعاندار ءبىر اي بۇرىن دايىندالىپ, ەرەكشە اتاپ ءوتتى. كورەرمەندەر زالى جاڭا جىلدىق شىرشامەن جانە قابىرعا گازەتتەرىمەن بەزەندىرىلىپ, مەرەكەلىك كەشتىڭ ءسانى اياز اتا مەن اقشاقار قوناقتاردى كەلە جاتقان جاڭا جىل مەرەكەسىمەن قۇتتىقتادى, جاڭا جىلدىق اندەر مەن كورىنىستەر قويعان سوتتالعاندارعا جاڭا جىلدىق سىيلىقتار تابىستادى.
جاڭا جىلدىق مەرەكەگە مەكەمەدە جازاسىن وتەپ جاتقان ون ەكى ارۋ مەن سەگىز ەر ادام قاتىسىپ, ءىس-شارانىڭ قىزىقتى جانە كورەرمەندەردىڭ كوڭىلىن شىعاتىنداي ەتىپ وتۋىنە بەلسەنە ات سالىستى. ۇيىمداستىرىلعان ءىس-شارانىڭ سوڭىندا مەرەكەلىك باعدارلامانى جوعارى دەڭگەيدە ۇيىمداستىرعان جانە وعان بەلسەنە قاتىسقان سوتتالعاندار مەكەمە اكىمشىلىگى اتىنان العىستارعا يە بولىپ, قۇندى سىيلىقتارمەن ماراپاتتالدى.
شارا وسىمەن اياقتالماي, ونىڭ ارتى كىشى فۋتبول, شاشكا, شاحمات جانە باسقا دا سپورتتىق ويىندار ۇيىمداستىرۋمەن جالعاسىن تاپتى.
«جالپى, مەرەكە قارساڭىندا مەكەمەدە ۇيىمداستىرىلاتىن ءىس-شارالار مەكەمە باستىعىمەن بەكىتىلگەن جوسپارعا سايكەس وتەدى. جاڭا جىلعا ارنالعان بۇگىنگى كوتسەرتتىك ءىس-شارا وسىمەن اياقتالمايدى, الداعى جىلعى قاڭتاردىڭ تورتىنە دەيىن ءارتۇرلى سپورت تۇرلەرىنەن سايىستار وتكىزۋ ارقىلى جالعاسادى» - دەيدى, سوتتالعاندار اراسىنداعى تاربيە جانە الەۋمەتتىك-پسيحولوگيالىق جۇمىس ءبولىمىنىڭ باستىعى ادىلەت مايورى رۋسلان بۋرالكيەۆ.
