الماتى قالاسى اكىمدىگىنىڭ وسى ماسەلەگە قاتىستى №4/636 قاۋلىسى 2020 جىلدىڭ 30 جەلتوقسانىنان كۇشىنە ەندى. قۇجاتقا سايكەس الەۋمەتتىك ماڭىزى بار ازىق-ت ۇلىك تاۋار بولىپ سانالاتىن «اق قانت – قۇمشەكەردىڭ» ءبىر كەلىسىنىڭ 30 كۇنتىزبەلىك مەرزىمدەگى باعاسى 254 تەڭگە بولىپ بەكىتىلدى.
بۇل شارا نارىقتاعى ءونىمنىڭ وزىندىك قۇنىن تۇراقتاندىرۋعا جانە ساتۋشىلاردىڭ باعانى نەگىزسىز وسىرمەۋلەرىنە باعىتتالعان.
ايتا كەتەرلىگى, اكىمدىك تاراپىنان قاۋلىعا سايكەس 30 كۇنتىزبەلىك مەرزىم اياقتالعان سوڭ دا باعانىڭ وسۋىنە توسقاۋىل قوياتىن شارالار قابىلداندى. وسىعان وراي الماتى قالاسىنىڭ تۇراقتاندىرۋ قورىنا 2 مىڭ توننا قانت ساتىپ الۋ جۇمىستارى قوسىمشا پىسىقتالۋدا.
الماتىدا بۇرىندارى مۇنداي رەتتەۋ تەتىكتەرىنىڭ وڭ ناتيجە بەرگەنى بەلگىلى. اعىمداعى جىلدىڭ قاراشا ايىندا قاراقۇمىق جارماسىنا شەكتى باعا بەلگىلەندى. سونىڭ ارقاسىندا قالادا ءونىمنىڭ ورتاشا قۇنىن 375 تەڭگەدەن 360 تەڭگەگە دەيىن تومەندەدى.
قاۋلى العاشقى رەسمي جاريالانعان كۇننەن, ياعني 30 جەلتوقساننان باستاپ كۇشىنە ەندى. الماتى قالاسى كاسىپكەرلىك جانە ينۆەستيتسيالار باسقارماسىنىڭ ماماندارى اۋداندار اكىمدىكتەرىمەن بىرگە كەسىمدى باعالاردى تۇراقتى باقىلايتىن بولادى.
باعاعا قاتىستى بەلگىلەنگەن ءتارتىپ بۇزىلاتىن بولسا جانە جىل ىشىندە قايتالانسا, وندا 100 اەك-تەن (291 700 تەڭگە) 200 اەك-كە (583 400 تەڭگە) دەيىن ايىپپۇل تولەنىپ, اكىمشىلىك جاۋاپكەرشىلىككە تارتىلادى.
بۇرىن حابارلانعانىنداي, قالا اكىمى ب. ساعىنتاەۆتىڭ تاپسىرماسىمەن الماتىدا الەۋمەتتىك ماڭىزى بار ازىق-ت ۇلىك ونىمدەرىنىڭ باعاسىن تۇراقتاندىرۋعا شامامەن 9 ميلليارد تەڭگە جۇمسالادى. بۇل قاراجات رەتتەۋ تەتىكتەرىن ىسكە اسىرۋ, ونىڭ ىشىندە قالانىڭ ساۋدا جەلىلەرىندە كەلىسىلگەن باعاداعى ونىمدەر جەلىسىن كەڭەيتۋ ءۇشىن بولىنگەن.
