جەكە كاسىپكەرلىكتى اتالعان سەرۆيستە بىرنەشە رەت باسۋ ارقىلى اشۋعا بولادى. ياعني «جك بولۋ» سىلتەمەسى بويىنشا ءوتۋ جەتكىلىكتى. ودان كەيىن جۇيە الداعى قادامداردى ۇسىنادى. سونداي-اق جك اشۋدىڭ بارلىق پروتسەسى 5 مينۋتتان اسپايدى. قىزمەت كومپوزيتتى ەكەنىن اتاپ ءوتۋ ماڭىزدى, ياعني ءوتىنىش بەرۋشىلەر جك-نى ونلاين تىركەپ, جك-دا شوتتى ءبىر تەرەزەدە بىردەن اشا الادى.
ء«بىز مەملەكەتتىك قىزمەتتەردى الۋ پروتسەسىن بارىنشا جەڭىلدەتۋ بويىنشا جۇمىس ىستەپ جاتىرمىز جانە قازاقستاندىقتارعا جك تىركەۋدىڭ بالامالى ءتاسىلىن ۇسىنۋدامىز. مەملەكەت باسشىسى جولداۋىنىڭ نەگىزگى بايانداماسىنىڭ ءبىرى – شاعىن جانە ورتا بيزنەستى قولداۋ. سوندىقتان, ءىسىن جاڭا باستاعان كاسىپكەرلەر ءۇشىن پروتسەستەردى وڭتايلاندىرۋعا جۇمىس ىستەيمىز. وسىنداي بىرىكتىرۋدى باسقا بانكتەرمەن جانە ۇيىمدارمەن دە جۇرگىزەمىز. تسيفرلاندىرۋ بارىسىندا مونوپوليا جوق, بىراق ماقساتىمىز – پايدالانۋشىلاردىڭ قىزمەتتى ۇزدىكسىز الۋىن قامتاماسىز ەتۋ. مەملەكەت وسى پروتسەستەردە بايقالمايتىنداي بولۋى ءتيىس», دەدى تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين.
بۇدان باسقا, جك اشقاننان كەيىن ساناۋلى مينۋتتاردا كاسىپكەرلەر بانكتە شوت اشىپ, كورپوراتيۆتىك كارتا شىعارىپ, Onlinebank بيزنەسىنە ارنالعان ءموبيلدى قوسىمشاسى ارقىلى ءوز شوتتارى مەن كارتالارىن قاشىقتان باسقارا الادى.
ء«بىزدىڭ بارلىق ازىرلەمەلەرىمىز كليەنتتەردىڭ ۇسىنىستارىن ەسكەرە وتىرىپ ىسكە قوسىلادى, ال يكەمدى جۇيە ولاردى بەيىمدەۋگە جانە جەتىلدىرۋگە مۇمكىندىك بەرەدى. ءبىز بيزنەس بارىسىندا ءوز ءىسىن دامىتۋدا قولداۋ قاجەت ەكەنىن تۇسىنەمىز. سوندىقتان جك تىركەۋ قىزمەتى ءبىزدىڭ كليەنتتەرىمىز ءۇشىن قاجەتتى سەرۆيس. قىزمەت الۋدا قاشىقتان قول جەتكىزۋ وتە ماڭىزدى», دەيدى Halyk Bank ترانزاكتسيالىق ساتۋ دەپارتامەنتىنىڭ ديرەكتورى گۇلسىم دۋشاتوۆا.
ونىڭ ايتۋىنشا, Onlinebank بيزنەسكە ارنالعان قوسىمشاسى بيزنەستىڭ جۇمىس ىستەۋى ءۇشىن كوپتەگەن پايدالى جانە ىڭعايلى سەرۆيستەرمەن جابدىقتالعان. بۇل ارقىلى بيزنەس كليەنتتەر شوتتاردى باسقارا الادى, 24/7 ءوزارا ەسەپ ايىرىسۋدى جۇرگىزەدى, شوتتار بويىنشا بارلىق قاجەتتى اقپاراتتى لەزدە الا الادى, بيزنەستى تەگىن ساۋدا الاڭىندا دامىتادى, ونلاين بۋحگالتەريانى جۇرگىزەتىن بولادى. بۇل ءىسىن ەندى باستاعان جەكە كاسىپكەرلەر ءۇشىن وتە ماڭىزدى. سەرۆيس سالىقتاردىڭ, اۋدارىمداردىڭ سوماسىن دەربەس ەسەپتەيدى, سونداي-اق ماعلۇمدامانى مكب-عا جىبەرەدى.
جەكە كاسىپكەرلىكتىڭ Halyk Bank قوسىمشاسى ارقىلى تىركەلۋى جەكە كاسىپكەر بولۋدى تەكسەرۋ, جەكە كاسىپكەر قىزمەتىنىڭ باستالۋى تۋرالى حابارلامانى جانە تالوندى قالىپتاستىرۋ بويىنشا قوسىمشا سەرۆيستەردى قۇرۋ ارقىلى مۇمكىن بولدى. قارجى مينيسترلىگى مەملەكەتتىك كىرىستەر كوميتەتىنىڭ اقپاراتتىق جۇيەلەرىمەن, ە-ليتسەنزيالاۋ مەملەكەتتىك دەرەكتەر قورىمەن جانە بانكپەن بىرىكتىرۋ ارقىلى جۇرگىزىلدى. سەرۆيس ۆەب-نۇسقاسىنان دا, Onlinebank بيزنەسىنە ارنالعان ءموبيلدى قوسىمشاسىنان دا قولجەتىمدى. قوسىمشا Play Market جانە App Store-دا جۇكتەۋگە بولادى.
ايتا كەتەلىك, قىزمەتتى الۋ ءۇشىن ازامات openaccount.halykbank.kz سىلتەمەسىنە ءوتۋ نەمەسە بيزنەسكە ارنالعان Onlinebank قوسىمشاسىن جۇكتەۋى قاجەت. بۇدان ءارى ءتيىستى قىزمەتتى تاڭداپ, ءوز بيزنەسىڭىز تۋرالى ەڭ قاجەتتى اقپاراتتى تولتىراسىز. سودان كەيىن عانا جك بىردەن تىركەلەتىن بولادى.
