مامىلە تالاپتارىنا سايكەس, اتفبانكىنىڭ 124 ملرد تەڭگە كولەمىندەگى مەنشىكتى كاپيتالى قوسىمشا پروۆيزيالاردى قۇرۋ ءۇشىن جۇمسالدى. اعىمداعى اكتسيونەر شىعىندى جاپقاننان كەيىن, Jýsan Bank رەتتەۋشىنىڭ تالاپتارىنا سايكەس مەنشىكتى كاپيتالدىڭ جەتكىلىكتى دەڭگەيىن قالىپتاستىرا وتىرىپ, اتفبانكتى 97 ملرد تەڭگە كولەمىندە قوسىمشا كاپيتالداندىرۋدى جۇزەگە اسىردى.
اتف بانكتى ساتىپ الۋ ناتيجەسىندە Jýsan توبىنا كىرەتىن ەكى بانكتىڭ اكتيۆتەرىنىڭ جيىنتىق كولەمى 3 ترلن تەڭگە نەمەسە قازاقستاننىڭ بانكتىك سەكتورىنىڭ اكتيۆتەرىنەن 10% قۇرايتىن بولادى دەپ كۇتىلۋدە. ەكى بانكتىڭ وتىمدىلىگى جوعارى اكتيۆتەرىنىڭ جيىنتىق مولشەرى 1,3 ترل.تەڭگەدەن اسادى, بۇل قازاقستان نارىعىنداعى ەڭ جوعارى كورسەتكىشتەردىڭ ءبىرى بولىپ تابىلادى.
ء«بىز قازاقستان نارىعىندا بۇرىننان قىزمەت كورسەتىپ كەلە جاتقان بانكتەردىڭ ءبىرى – اتفبانكتىڭ Jýsan توبىنا قوسىلعانىنا قۋانىشتىمىز. قازىرگى تاڭدا اتفبانك ءوز وتىمدىلىگىن ايتارلىقتاي كوبەيتتى, پروۆيزيالاردىڭ قاجەتتى دەڭگەيىن قالىپتاستىردى جانە سەنىمدى قارجى قۇرالى بولىپ تابىلادى. ءبىزدىڭ كەلەسى قادامىمىز – ەكى بانكتىڭ كليەنتتىك بازانى ودان ءارى كەڭەيتۋگە جانە زاماناۋي تسيفرلىق سەرۆيستەردى ۇسىنۋعا باىتتالعان ۇزاق مەرزىمدى ستراتەگياسىن ازىرلەۋ, – دەپ اتاپ ءوتتى Jýsan Bankديرەكتورلار كەڭەسىنىڭ توراعاسى شيگەو كاتسۋ. – ايتا كەتەتىن تاعى ءبىر ماڭىزدى جايت – ءبىزدىڭ بارلىق سەرىكتەستەرىمىز رەسەي مەن قىرعىزستانداعى ەنشىلەس بانكتەر ارقىلى جاڭا نارىقتارعا شىعۋ مۇمكىندىگىن الادى».
بۇگىنگى تاڭدا Jýsan توبىنا بانكتەردەن باسقا ساقتاندىرۋ, بروكەرلىك قىزمەت كورسەتۋ جانە ينۆەستيتسيالىق پورتفەلدى باسقارۋ بويىنشا قىزمەتتەردىڭ كەڭ سپەكترىن ۇسىناتىن قارجى كومپانيالارى كىرەدى.
«مەن جاقىن ارادا ءبىزدىڭ توبىمىزدىڭ سەرۆيستەرى ۇسىنىلاتىن اتفبانك كليەنتتەرىنە «قوش كەلدىڭىزدەر» دەگىم كەلەدى, – دەيدى Jýsan Bank باسقارما توراعاسى ايبەك قايىپ. – جەكە تۇلعا كليەنتتەر بىرىڭعاي ءموبيلدى قوسىمشا ارقىلى بانكتىك, ساقتاندىرۋ جانە ينۆەستيتسيالىق قىزمەتتەردى الۋعا ارنالعان جاڭا تسيفرلىق شەشىمدەردى قولدانىپ, ءوز باعاسىن بەرە الادى. بيزنەس وكىلدەرىنە سمارتفون ارقىلى شوتتار اشۋ جانە قاجەتتى بانكتىك وپەراتسيالاردى سول ساتتە جاساۋ مۇمكىندىگى قولجەتىمدى. بارلىق كليەنتتەر Jýsan Mobile ء موبيلدى وپەراتورىمەن ۇيالى بايلانىستىڭ ءتيىمدى شارتتارىنا يە بولادى. ەكى بانكتىڭ سينەرگياسى بيزنەستىڭ وركەندەۋى مەن كليەنتتەردىڭ كۇندەلىكتى ءومىرى ءۇشىن كوپتەگەن جاڭا شەشىمدەر ۇسىنا الاتىندىعىنا سەنىمدىمىن».
اتفبانكتىڭ كليەنتتەرگە قىزمەت كورسەتۋ جونىندەگى بارلىق اعىمداعى سەرۆيستەرى جۇمىسىن قالىپتى رەجيمدە جالعاستىرۋدا.
الماتى
