تەكسەرۋ بارىسىندا اۆتوكولىكتىڭ جۇك سالعىشىنان ۇلكەن قوراپتان جانە 2 جول سومكەدەن كوپ مولشەردە ەرەكشە ءيىسى بار ءشوپ الىندى. ساراپتاما قورىتىندىسى بويىنشا ونىڭ 15 كەلىدەن اساتىن كەپتىرىلگەن ماريحۋانا ەكەندىگى انىقتالعان.
وقيعا ورنىندا كۇدىكتى 37 جاستاعى اتىراۋ قالاسىنىڭ تۇرعىنى ۇستالدى.
بۇگىنگى كۇنى ول قارماقشى اۋدانى پوليتسيا ءبولىمىنىڭ ۋاقىتشا ۇستاۋ يزولياتورىنا قاماققا الىنىپ, قازاقستان رەسپۋبليكاسى قىلمىستىق كودەكسىنىڭ 296-بابىنىڭ 4-بولىگىمەن (اسا ءىرى مولشەردەگى ەسiرتكi, پسيحوتروپتىق زاتتاردى, سول تەكتەستەردى وتكىزۋ ماقساتىنسىز زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ) سوتقا دەيىنگى تەرگەپ-تەكسەرۋ امالدارى جۇرگىزىلۋدە. وقيعانىڭ ءمان-جايى انىقتالۋدا.
