ورتالىق ۇلتتىق جانە حالىقارالىق ستاندارتتاردىڭ دەڭگەيىندە وڭىرلەردىڭ تۇرعىندارىنا مەديتسينالىق كومەك كورسەتۋگە ارنالعان وزىق ەمدىك-دياگنوستيكالىق جابدىقتارمەن قامتاماسىز ەتىلگەن.
كتسو ەرەسەك ادامدارعا 16 ماماندىق بويىنشا جانە زەرتحانالىق, ساۋلەلىك, فۋنكتسيونالدىق, ەندوسكوپيالىق, ۋلترادىبىستىق جانە دياگنوستيكانىڭ باسقا دا تۇرلەرى بويىنشا كونسۋلتاتسيالىق, امبۋلاتوريالىق-ەمحانالىق مەديتسينالىق كومەك كەشەنىن جۇرگىزەدى.
«قابىلداۋدى مەديتسينا عىلىمدارىنىڭ دوكتورلارى, كانديداتتارى جانە كوپ جىلدىق كلينيكالىق جۇمىس ءوتىلى بار جوعارى ساناتتى دارىگەرلەر جۇرگىزەدى. ماماننىڭ كونسۋلتاتسياسىن الىپ, ەمدەۋدىڭ تاكتيكاسىن انىقتاي وتىرىپ, پاتولوگياعا سايكەس زەرتتەۋ جۇرگىزۋگە جازىلۋعا بولادى», – دەيدى كونسۋلتاتسيالىق-دياگنوستيكالىق ورتالىقتىڭ مەڭگەرۋشىسى, مەديتسينا عىلىمىنىڭ دوكتورى قۋات ابزاليەۆ.
كۋات باياندى ۇلى: ء«بىز جۇرەك-قانتامىر جەتىسپەۋشىلىگى بار پاتسيەنتتەرمەن جۇمىس ىستەيمىز, ميوكارد ينفارگىنە شالدىققان, جۇرەگىنە وتا جاسالعان پاتسيەنتتەرگە ديناميكالىق باقىلاۋ جۇرگىزەمىز, مەديتسينالىق-الەۋمەتتىك ساراپتاما كوميسسياسىنا (ماسك) كونسۋلتاتسيالىق قورىتىندى بەرەمىز. قاجەت بولسا – پورتال بويىنشا كىا عزي ەمدەلۋگە جاتقىزۋ ماسەلەسىن شەشەمىز», – دەپ اتاپ ءوتتى.
ورتالىقتا دەنساۋلىق جاعدايىنا پروفيلاكتيكالىق زەرتتەۋ جۇرگىزۋ باعدارلاماسى مەن تەكسەرۋدى جۇرگىزۋدىڭ جەكە باعدارلامالارى قاراستىرىلعان. بۇل اريتميانىڭ بىرنەشە تۇرلەرى بار پاتسيەنتتەرگە تەكسەرۋ جۇرگىزۋدىڭ ستاندارتتى جانە كارديولوگيالىق باعدارلاماسى; جۇرەك ماڭايى اۋرۋلارىنىڭ بىرنەشە تۇرلەرىنە شالدىققان بارلىق جاستاعى ەر ادامدار مەن ايەلدەرگە تەكسەرۋ جۇرگىزۋ باعدارلاماسى; سپورتپەن شۇعىلدانۋعا ارنالعان مەديتسينالىق تەكسەرۋدىڭ باعدارلاماسى; ارتەريالىق گيپەرتەنزيانى انىقتاۋدىڭ كورپوراتيۆتىك باعدارلامالارى; ونكوپاتولوگيانى انىقتاۋ, سونداي-اق وكپە اۋرۋلارىن تەكسەرۋ باعدارلامالارى. بۇل باعدارلامالاردا جوعارى بىلىكتى ماماندار, پروفەسسورلىق-وقىتۋشىلار قۇرامى قاتىسادى.
پاتولوگيا بەيىنى بويىنشا تەكسەرۋ باعدارلاماسى جۇرەكتىڭ يشەميالىق اۋرۋى, اريتمولوگيا, جۇيەلى اۋرۋلار, اسقازان-ىشەك جولدارى جانە وكپە پاتولوگيالارىن, قاناينالىم جۇيەسى اۋرۋلارىن انىقتاۋ جانە دياگنوستيكالاۋعا باعىتتالعان.
ەمشارالاردىڭ سانى پاتسيەنتتىڭ جاعدايىنا بايلانىستى انىقتالادى جانە دارىگەر ونى تۇزەتىپ وتىرادى. بازالىق تەكسەرۋ پاتسيەنت تاڭداعان كەستە بويىنشا 2 جۇمىس كۇنى ىشىندە جۇرگىزىلەدى.
كليەنتتىڭ ءوزىن جايلى سەزىنۋى ءۇشىن دارىگەر پاتسيەنتكە جۇرگىزىلەتىن مەديتسينالىق تەكسەرۋ باعدارلاماسىنىڭ بارلىعىندا سۇيەمەلدەپ وتىرادى. ماماننىڭ تاعايىندالعان ۋاقىتقا دايىندىعىن, تەكسەرۋ ناتيجەلەرى نەمەسە پاتسيەنتتىڭ تىلەگى بويىنشا قوسىمشا زەرتتەۋلەر جۇرگىزۋ مۇمكىندىگىن انىقتايدى. قورىتىندى اڭگىمەلەسۋ كەزىندە ۇسىنىمدار بەرىلەدى. ينستيتۋتتىڭ جەتەكشى ماماندارى قازاقستاننىڭ بارلىق ايماقتارىندا قاشىقتان تەلەكونسۋلتاتسيا جۇرگىزەتىندىگىن اتاپ ءوتۋ قاجەت.
ورتالىق مەڭگەرۋشىسى, كوپتەگەن جىلداردىڭ تاجىريبەسى كەشەندى تەكسەرۋدى جۇرگىزۋدىڭ قاجەتتىلىگى وتە جوعارى ەكەندىگىن كورسەتتى, سەبەبى وسىنداي قىزمەتتىڭ ءتۇرى جوعارى بىلىكتى مامانداردىڭ بولعان جاعدايىندا كوپ بەيىندى ستاتسيوناردا جۇرگىزىلە الادى, دەيدى. مەديتسينالىق تەكسەرىپ-قارالۋدىڭ قولجەتىمدى بولۋى قامتاماسىز ەتىلەدى, ياعني پاتسيەنت ءۇشىن قولايلى بولاتىن كۇنى مەن ۋاقىتى بەلگىلەنەدى. پاتسيەنتكە ديناميكالىق باقىلاۋ جۇرگىزىلەدى. دياگنوز قويىلعان جاعدايدا ەمدەۋگە جاتقىزۋ, ينۆازيۆتىك ەمەس جانە وپەراتسيالىق ارالاسۋلاردى جۇرگىزۋ ماسەلەسىن شەشۋگە كومەك كورسەتىلەدى. دارىگەردىڭ ايتۋىنشا, دۇرىس تەكسەرىلىپ-قارالۋ – دەنساۋلىقتىڭ كەپىلى.
كونسۋلتاتسيالىق-دياگنوستيكالىق ورتالىق تەگىن مەديتسينالىق كومەكتىڭ كەپىلدىك بەرىلگەن كولەمى, اقىلى مەديتسينالىق قىزمەتتەر, ءمامس جۇيەسى بويىنشا مەديتسينالىق قىزمەتتەر كورسەتەدى.
ورتالىق جانىندا تەراپەۆتىك جانە كارديولوگيالىق بەيىندەگى 30 توسەككە ارنالعان كۇندىزگى ستاتسيونار ۇيىمداستىرىلعان, مۇندا جىل بويى 2500-دەن استام پاتسيەنت ەم قابىلدايدى جانە امبۋلاتوريالىق كوروناگرافيادان وتەدى.
الماتى
