ال شىعىس قازاقستاندا تىڭ تەحنولوگيانى قولدانىسقا ەنگىزۋ ءۇشىن ەكىنشى دەڭگەيلى بانكتەرمەن كەلىسىم جاسالىپ, دايىندىق جۇمىستارى جۇرگىزىلىپ جاتىر. بلوكتاردىڭ تەحنيكالىق رەتتەلگەن تىزبەگى تۇرىندەگى «Blockchain» جۇيەسى جەكە مالىمەتتەردى ءۇشىنشى تۇلعالارعا بەرۋ مۇمكىندىگىنەن ساقتاپ, اقپاراتتىق قاۋىپسىزدىك پەن ساپالى قىزمەتتى قامتاماسىز ەتەدى.
«ازاماتتارعا ارنالعان ۇكىمەت» مەملەكەتتىك كورپوراتسياسىنىڭ باسقارما ءتورايىمى اسەمگۇل بالتاشەۆانىڭ ايتۋىنشا, «Blockchain» تەحنولوگياسى كەپىل شارتىن تىركەۋ ءۇردىسىن بارىنشا وڭتايلاندىرۋعا جول اشتى.
– بۇعان دەيىن قىزمەت الۋشىلار م ۇلىك كەپىل شارتىن تىركەۋ ءۇشىن بىرنەشە مەكەمەنى ارالاۋعا ءماجبۇر بولاتىن. ماسەلەن, جىلجىمايتىن م ۇلىككە قۇقىقتاردى تىركەۋ تۋرالى انىقتامانى الۋ ءۇشىن حقو-عا نەمەسە egov.kz پورتالىنا جۇگىنىپ, سوسىن ونى بانككە اپاراتىن. ەندى بانك قىزمەتكەرى ءوتىنىم جاساعاندا قىزمەت الۋشىنىڭ جىلجىمايتىن م ۇلىككە قۇقىقتارى جانە اۋىرتپالىقتاردىڭ بار-جوعى تۋرالى مالىمەتتەر اۆتوماتتى تۇردە تەكسەرىلەدى. ەندى ادامدار ەمەس, مالىمەتتەر ءسىز ءۇشىن «جۇگىرەتىن» بولدى, – دەيدى ءا.بالتاشەۆا.
«Blockchain» تەحنولوگياسىن قولدانۋ ارقىلى اتالعان قىزمەتتى كورسەتۋ مەرزىمى ءۇش كۇننەن ءبىر كۇنگە دەيىن قىسقارىپ, بانككە ۇسىنىلاتىن قۇجاتتار ءتىزىمى دە ازايعان.
ەندى قىزمەت الۋشى بانكتىڭ اقپاراتتىق جۇيەسىندە م ۇلىك شارتىمەن تانىسىپ, ءوزىنىڭ ەتسق-سى ارقىلى قول قويادى, ال قىزمەتتىڭ ناتيجەسى – جىلجىمايتىن مۇلىككە قۇقىقتاردى مەملەكەتتىك تىركەۋ تۋرالى حابارلاما قىزمەت الۋشىنىڭ egov.kz ەلەكتروندى پورتالىنداعى جەكە كابينەتىنە جولدانادى.
«Blockchain» تەحنولوگياسىن تاڭداۋ بارىسىندا جەلى قولدانۋشىلارىنىڭ ارەكەتتەرىنىڭ ايقىندىعى, ورتالىقسىزداندىرۋ جانە سەنىمدى قورعانىس جۇيەسى ەسەپكە الىندى. ەلىمىزدە كەپىل شارتىن تىركەۋ بويىنشا مەملەكەتتىك قىزمەتتى جاڭا ادىسپەن كورسەتۋ ءۇردىسى كوممەرتسيالىق بانكتىڭ بىرىمەن جۇزەگە اسۋدا.
«ازاماتتارعا ارنالعان ۇكىمەت» باسقا دا ەكىنشى دەڭگەيلى بانكتەرمەن وسى باعىتتا قىزمەت كورسەتۋ تۋرالى كەلىسسوزدەر جۇرگىزىپ جاتىر. سەبەبى «Blockchain» تەحنولوگياسى ەكى جاقتى كەلىسىم جاساسۋ كەزىندە ءۇشىنشى تۇلعالاردى كىرىستىرمەي, قاۋىپسىزدىكتى قامتاماسىز ەتىپ, جىلجىمايتىن مۇلىك كەپىلىمەن بەرىلەتىن نەسيەنى ونلاين رەسىمدەۋ جانە نەسيە بەرۋ مەرزىمىن قىسقارتۋعا مۇمكىندىك بەرەدى.
شىعىس قازاقستان وبلىسى
