«جامبىل وبلىسىنىڭ اكىمى بەردىبەك ساپارباەۆ كوروناۆيرۋسقا قارسى قازاقستاندىق QazCovid-in قازاقستاندىق ۆاكتسينانى قابىلادى. ۆاكتسيناتسيا كلينيكالىق زەرتتەۋلەردەن تىس ەرىكتى تۇردە ەگىلدى», دەلىنگەن اقپاراتتا.
سونداي-اق, وبلىس اكىمىمەن بىرگە س.ج.اسفەندياروۆ اتىنداعى قازاق ۇلتتىق مەديتسينالىق ۋنيۆەرسيتەتىنىڭ رەكتورى تالعات نۇرعوجينگە دە وتاندىق ۆاكتسينا ەگىلدى.
«الەمدىك ساراپشىلار قاۋىپسىز جانە ءتيىمدى ۆاكتسينانى جاساۋ مەن ءوندىرۋدى جەدەلدەتۋ ءۇشىن كوپ جۇمىس ىستەۋدە. قورداي اۋدانىندا ورنالاسقان بيولوگيالىق قاۋىپسىزدىك ماسەلەلەرى عزي-ى ءوزىمىزدىڭ قازاقستاندىق ۆاكتسينامىزدى دا ازىرلەدى. ەرىكتىلەرگە ارنالعان كلينيكالىق زەرتتەۋلەردىڭ العاشقى ەكى كەزەڭى ءساتتى ءوتتى, ولاردا جاقسى ناتيجە كورسەتتى جانە جاناما اسەرلەر بولعان جوق. قازاقستاندىق ۆاكتسينا وڭ ناتيجە كورسەتىپ, جاپپاي قولدانۋعا ۇسىنىلادى دەپ ۇمىتتەنەمىن», دەدى بەردىبەك ساپارباەۆ.
قازىرگى تاڭدا تارازدا كلينيكالىق زەرتتەۋلەردىڭ ءۇشىنشى كەزەڭى ءجۇرىپ جاتىر.
ايتا كەتەيىك, 19 جەلتوقساننان باستاپ قازاقستان رەسپۋبليكاسى ءبىلىم جانە عىلىم مينيسترلىگى عىلىم كوميتەتىنىڭ بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىنىڭ عالىمدارى ازىرلەگەن QazCovid-in ۆاكتسيناسىنىڭ كلينيكالىق سىناقتارىنىڭ ءۇشىنشى كەزەڭى جۇرگىزىلىپ جاتىر.
