شارادا اۋداندىق قوعامدىق كەڭەستىڭ توراعاسى كەنجەعارا سۇلەيمەنوۆ اۋداندا اتقارىلىپ جاتقان جۇمىستارعا وڭ باعاسىن بەرىپ, قولداۋ تانىتقان ايماق باسشىسىنا العىسىن ايتتى.
بۇدان سوڭ گۇلشارا ابدىقالىقوۆا جاڭادان سالىنعان اۋداندىق اۋرۋحانانىڭ اشىلۋ سالتاناتىنا قاتىستى. ايماق باسشىسى زاماناۋي مەديتسينالىق مەكەمە حالىق يگىلىگى ءۇشىن قىزمەت ەتەرىنە سەنىم ءبىلدىردى.
«بۇگىن اۋدان تۇرعىندارى ءۇشىن قۋانىشتى جاڭالىق تۇرعىن ءۇي مەن اۋداندىق اۋرۋحانانىڭ پايدالانۋعا بەرىلۋى. جاڭا پاتەر يەلەرىن قونىس تويىمەن قۇتتىقتايمىن! ال, جاڭا ۇلگىدە سالىنعان اۋرۋحانا ەل يگىلىگىنە قىزمەت ەتەدى دەپ سەنەمىن»!, دەدى وبلىس اكىمى.
سالتاناتتى شارادا دەنساۋلىق سالاسىنىڭ ارداگەرى تۇرعانباي ماحانوۆ پەن مەملەكەت جانە قوعام قايراتكەرى قوجاحمەت بايماحانوۆ ءسوز سويلەپ, تۇرعىنداردى قۇتتىقتادى.
اۋداندىق اۋرۋحانانىڭ قۇرىلىسى 2019 جىلى باستالعان. مەردىگەر مەكەمە «ابۋ-سەر» جشس. جوبا قۇنى 4 ملرد.تەڭگە. نىساننىڭ جالپى اۋماعى – 3,6 گەكتار, تيپتىك جوبادا سالىنعان. اۋرۋحانادا 94 دارىگەر, 446 ورتا بۋىن قىزمەتكەر جۇمىس ىستەيدى.
ۇستىمىزدەگى جىلى اۋداندا مەملەكەتتىك باعدارلامالار شەڭبەرىندە جالاعاش كەنتىندە ەمحانا عيماراتىن بالاباقشا ەتىپ قايتا جاڭعىرتۋ, ورتالىق الاڭدى اباتتاندىرۋ, اقسۋ ەلدى مەكەنىنە كىرە بەرىس اۋداندىق ماڭىزى بار اۆتوموبيل جولدارىن, ىشكى كوشەلەردى جارىقتاندىرۋ, 200 ورىندىق وقۋشىلار ءۇيى مەن 50 ورىندىق ونەر مەكتەبىنىڭ قۇرىلىسىن جۇرگىزۋ, م.شامەنوۆ اۋىلىنداعى سپورت الاڭىن اعىمداعى جوندەۋدەن وتىكىزىپ, 140 ورىندىق №34 ورتا مەكتەپ قۇرىلىسىن سالۋ, اققىر اۋىلىنداعى №188 ورتا مەكتەپ عيماراتىن كۇردەلى جوندەۋدەن وتكىزۋ سەكىلدى اۋقىمدى جۇمىستار اتقارىلۋدا.
جۇمىس ساپارى سوڭىندا ايماق باسشىسى گۇلشارا ابدىقالىقوۆا اۋدان اكىمى اسىلبەك شامەنوۆكە ەپيدەميولوگيالىق احۋالدى باقىلاۋدا ۇستاۋ جانە ينفراقۇرىلىم جۇمىستارىن ساپالى جۇرگىزۋ جونىندە بىرقاتار تاپسىرما بەردى.
