مەديتسينا • 28 جەلتوقسان، 2020

Pfizer كومپانياسى ەلگە ۆاكتسينا جەتكىزەدى

71 رەت كورسەتىلدى

بۇگىن وكق-دا وتكەن ءباسپاسوز ءماسليحاتىندا دەنساۋلىق ساقتاۋ ءبىرىنشى ۆيتسە-ءمينيسترى مارات شورانوۆ قازاقستان Pfizer كومپانياسىمەن كەلىسىمگە كەلىپ، كوروناۆيرۋسقا قارسى ۆاكتسينا جەتكىزۋگە قامدانىپ جاتقانىن مالىمدەدى، دەپ حابارلايدى Egemen.kz

«بۇكىل الەمدە قازىرگى تاڭدا ۆاكتسينانى ۋاقىتشا تىركەۋ تۋرالى اڭگىمە ايتىلىپ جاتىر. بىزدە تىركەپ، زەرتتەۋدىڭ ءۇشىنشى ساتىسىنىڭ ەسەبى بويىنشا ۋاقىتشا تىركەۋگە مۇمكىندىك بەرەتىن ءتيىستى ەرەجەلەر ازىرلەندى. Pfizer ۆاكتسيناسى تۋرالى ايتار بولساق، ونى -70 گرادۋسقا دەيىنگى قاتاڭ تالاپتارمەن قاتار، باعاسى دە ەرەكشە. ول رەسەيلىك ۆاكتسينادان قاراعاندا ەكى ەسە قىمبات. ءبىز بۇگىن Pfizer كومپانياسىمەن جاريالاماۋ تۋرالى كەلىسىمگە كەلدىك. بۇل ۆاكتسينانى قازاقستان اۋماعىنا ارنايى قۇجاتتاردى تاپسىرۋ ارقىلى جەتكىزۋ ىسىمەن اينالىسۋعا دايىنبىز»، دەدى مارات شورانوۆ.

ونىڭ ايتۋىنشا، ءبارى دە اتالعان كومپانيانىڭ وندىرىستىك قۋاتى مەن مۇمكىندىگىنە بايلانىستى بولادى.

ايتا كەتەرلىگى قازاقستان دا قازىرگى ۋاقىتتا «سپۋتنيك V» ۆاكتسيناسىن تىركەۋ ماسەلەسىن قاراپ جاتىر. ۆاكتسينا 2020 جىلعى 24 جەلتوقساننان باستاپ 2021 جىلعى 21 قاڭتارعا دەيىن ن.ف. گامالەيا اتىنداعى ەمعزي-دا ساپانى باقىلاۋ پروتسەسىنەن وتەدى.

تەكسەرۋ ءساتتى بولعان جاعدايدا 2021 جىلعى 26 قاڭتاردان 11 اقپانعا دەيىن پرەپاراتتى قازاقستان رەسپۋبليكاسىندا تىركەۋ جوسپارلانىپ وتىر.

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار