بۇل بيۋدجەتتى يگەرۋ بارىسىندا سىبايلاستىق, قۇقىق بۇزۋشىلىقتى بولدىرماۋعا سەپ بولادى. ال سىبايلاستىقپەن كۇرەس كەز كەلگەن وركەنيەتتى قوعام ءۇشىن ەڭ وزەكتى ماسەلەنىڭ ءبىرى بولىپ تابىلادى.
سىبايلاس جەمقورلىققا قارسى ءىس-قيمىل اگەنتتىگى قىزىلوردا وبلىسى بويىنشا دەپارتامەنتى ماماندارىنىڭ ايتۋىنشا تاۋلىگىنە 24 ساعات بويى ءونىم بەرۋشىلەر, بولىنەتىن سومالار, قۇرىلىس مەرزىمدەرى, كەپىلدىك مىندەتتەمەلەر جانە باسقا دا پارامەترلەرگە دەيىنگى اقپاراتقا قول جەتكىزۋگە مۇمكىندىك بەرەتىن «اشىق بيۋدجەتتەر ينتەراكتيۆتى كارتاسى» جوباسىمەن سىلتەمەسى ارقىلى كىرىپ, كەز كەلگەن وبلىستىق, قالالىق جانە اۋداندىق دەڭگەيدەگى مەكەمەلەردىڭ بيۋدجەتتەرىمەن تانىسۋعا بولادى.
ايتا كەتۋ كەرەك, اتالعان جوبانىڭ قىزمەتىمەن تانىسۋ ءۇشىن ەلەكتروندى تسيفرلىق قولتاڭبانىڭ قاجەتى جوق, تەك تىكەلەي سىلتەمە ارقىلى كىرۋگە بولادى.
ەگەر قۇجاتتامالاردى سالىستىرۋ بارىسىندا الشاقتىقتار انىقتالعان جاعدايدا ءتيىستى فوتو جانە بەينەماتەريالداردى قوسا وتىرىپ ۋاكىلەتتى ورگانعا حابارلاۋعا بولادى.
قازىر كارتاعا وبلىس بويىنشا 698 مەكەمە, 2 176 ءوز بيۋدجەتتەرىن ەنگىزىپ وتىر. بارلىعىن قوسا العاندا 803,3 ملرد تەڭگە كولەمىندەگى بيۋدجەت جاريالانعان جانە وسى باعىتتاعى جۇمىستاردى ءارى قاراي ىلگەرىلەتۋ ماقساتىندا 7 ادامنان تۇراتىن «اشىق بيۋدجەت» وڭىرلىك كلۋبى قۇرىلعان.
قازاقستان رەسپۋبليكاسىنىڭ مەملەكەتتىك ساياساتىنىڭ نەگىزگى باسىمدىلىقتارىن قامتيتىن كارتا قازىرگى تاڭدا سىبايلاس جەمقورلىق, قۇقىق بۇزۋشىلىقتاردىڭ الدىن الۋدىڭ بەلسەندى نىسانىنا اينالا وتىرىپ, مەملەكەتتىك مەكەمەلەردىڭ حالىق الدىندا ەسەپتىلىگى جانە ديالوگىن قۇرۋدىڭ امبەباپ قۇرالىن كۇشەيتەتىنى انىق.
