وسى جىلدىڭ 11 ايىندا ادەپ جونىندەگى كەڭەستىڭ 13 وتىرىسى وتكىزىلىپ, وندا 67 ماسەلە قارالعان. كۇن تارتىبىندە 42 تارتىپتىك ءىس تالقىعا ءتۇسىپ, 17 رەت مەملەكەتتىك ورگان باسشىلارى مەن ادەپ جونىندەگى ۋاكىلدەردىڭ ەسەبى تىڭدالعان.
«كەڭەستىڭ شەشىمىمەن ادەپ كودەكسى تالاپتارىن بۇزعانى ءۇشىن 13 مەملەكەتتىك قىزمەتشى, مەملەكەتتىك قىزمەتكە كىر كەلتىرەتىن تارتىپتىك تەرىس قىلىقتارعا جول بەرگەنى ءۇشىن 18 مەملەكەتتىك قىزمەتشى تارتىپتىك جازاعا تارتىلدى. ولاردىڭ اراسىندا ەكى 2 وبلىستىق باسقارما باسشىسىنىڭ ورىنباسارى, 1 اۋدان اكىمىنىڭ ورىنباسارى, 3 اۋدان اكىمى اپپاراتىنىڭ باسشىسى, 1 اۋداندىق ءماسليحات اپپاراتىنىڭ باسشىسى, 6 كەنت جانە اۋىلدىق وكرۋگ اكىمى, 1 اۋداندىق باسقارما باسشىسى, 4 دەربەس ءبولىم باسشىسى, 13 وزگە دە لاۋازىمدى تۇلعالار بار», دەدى بەرىكبول بايحوجاەۆ.
دەپارتامەنت تاراپىنان مەملەكەتتiك قىزمەتشiلەردىڭ كۇندەلىكتى قىزمەتىندە جانە حالىقپەن كەزدەسۋ بارىسىندا ءوزىن-ءوزى ۇستاۋى مەن كوپشىلىك الدىندا سويلەۋ كەزىندە ادەپ نورمالارىنىڭ ساقتالۋى بويىنشا 100-دەن اسا قۇقىقتىق وقىتۋ مەن شەبەرلىك ساباقتارى وتكىزىلگەن.
بريفينگتە بايحوجاەۆ ادەپ كودەكسى تالاپتارى بۇزۋشىلىقتارىن الدىن الۋ ماقساتىندا مەملەكەتتىك ورگان باسشىلارىنا كارانتين تالاپتارىن قاتاڭ ساقتاۋدى جانە جاڭا جىل مەرەكەسىنە وراي كورپوراتيۆتىك كەشتەردەن باس تارتۋدى ۇسىندى.
سونىمەن قاتار سپيكەر, مەرەكە قارساڭىندا مەملەكەتتىك قىزمەتشىلەردىڭ زاڭسىز سىيلىق الۋ-بەرۋ فاكتىلەرىنە جول بەرمەۋ كەرەك ەكەنىن قاتاڭ ەسكەرتتى.
