«بارىس ارەنا» سپورت كەشەنىندە وتكەن ويىندا حاباروۆسكىنىڭ «امۋر» ۇجىمىن قابىلداعان جەرلەستەرىمىز قارسىلاستار قاقپاسىنا بەس شايبا سوعىپ, ەش قيىندىقسىز جەڭىسكە جەتتى. كەزدەسۋدىڭ ەسەبىن 6-مينۋتتا داررەن ديتستەن تاماشا پاس العان شابۋىلشى ياكوب ليليا اشتى. ەكىنشى كەزەڭدە ەسەپتى تەڭەستىرۋدى كوزدەگەن «امۋر» ويىنشىلارى 24-مينۋتتا ءوز دەگەندەرىنە جەتتى. شايبا اۆتورى – ميحال يوردان. دەگەنمەن كەزەڭ اياقتالار تۇستا رومان ستارچەنكو مەرگەندىگىمەن كوزگە ءتۇسىپ, «بارىستى» ەسەپتە العا شىعاردى.
ءۇشىنشى كەزەڭدە جانكۇيەرلەر 4 شايبانىڭ كۋاسى بولدى. 40-مينۋتتا كيورتيس ۆولك الاڭ قوجايىندارىنىڭ باسىمدىعىن ودان ءارى ارتتىرسا, 52-مينۋتتا ءاليحان اسەتوۆ وسى ماۋسىمداعى العاشقى گولىن سوقتى. ال 57-مينۋتتا ياكوب ليليا دۋبل اۆتورى اتانىپ, كەزدەسۋدىڭ نۇكتەسىن قويدى. ماتچتىڭ سوڭعى مينۋتىندا قوناقتاردان دومينيك ماشين ەسەپ ايىرماسىن قىسقارتقانىمەن, ويىن ناتيجەسىنە ەش اسەر ەتكەن جوق. قورىتىندى ەسەپ – 5:2.
بۇل – «بارىستىڭ» كەيىنگى 10 ويىنداعى توعىزىنشى جەڭىسى. جەرلەستەرىمىز قازىرگى تاڭدا تۋرنير كەستەسىندە 43 ۇپايمەن 8-ورىندا كەلەدى. «بارىس» كەلەسى كەزدەسۋىن بۇگىن ءسىبىردىڭ ء«سىبىر» كومانداسىمەن وتكىزەدى.
