اۋداندار اراسىندا العاشقى بولىپ اشىلعان ستانتسياعا اۋدان اكىمى مۇرات ەرگەشباەۆ پەن وبلىستىق دەنساۋلىق ساقتاۋ باسقارماسىنىڭ باسشىسى سابيتبەك پازىلوۆ ارنايى كەلىپ, مەديتسينا سالاسى قىزمەتكەرلەرىنىڭ قۋانىشىن ءبولىستى.
«ەندى ءبىزدىڭ دارىگەرلەر وتتەگى تاپشىلىعىن سەزىنبەيدى. بۇل ستانتسيانىڭ ءبىزدىڭ اۋداننان بولەك, كورشىلەس ارال مەن قارماقشى اۋدانى جانە بايقوڭىر قالاسىنا وتتەگى جىبەرۋگە مۇمكىندىگى بار. ستانتسيانىڭ اشىلۋىنا «پەتروقازاقستان قۇمكول رەسورسيز» اق دەمەۋشىلىك جاسادى», دەدى مۇرات نالقوجا ۇلى.
ال وبلىستىق دەنساۋلىق ساقتاۋ باسقارماسىنىڭ باسشىسى سابيتبەك پازىلوۆ دارىگەرلەر قولداۋ كورسەتكەن اۋدان باسشىسىنا العىسىن ايتتى.
اۋدان اكىمى مۇرات ەرگەشباەۆ وتتەگى ستانتسياسىنىڭ جۇمىسىمەن تانىسىپ, زاماناۋي قۇرىلعىلاردىڭ مۇمكىندىگىن كوردى.
ايتا كەتەيىك, وتتەگى ستانتسياسى ساعاتىنا 40 تەكشە مەتر وتتەگى شىعارادى. شامامەن ساعاتىنا 6 باللون, تاۋلىگىنە 120 باللون وندىرەدى. وتتەگىنىڭ تازالىعى 99.5%, ياعني مەديتسينالىق تالاپقا ساي.
