«جالپى العاندا, ناتيجەلەر قاناعاتتانارلىق. اراقاشىقتىق بەلگىلەرىن جاڭارتۋ, سونداي-اق كينوتەاترلاردان شىققان كەزدە الەۋمەتتىك اراقاشىقتىقتى ساقتاۋ تۋرالى بىرقاتار ەسكەرتپەلەر ايتىلدى. وسى ەسكەرتۋلەردى تۇزەتكەننەن كەيىن كينوتەاترلار ءوز جۇمىسىن جالعاستىرا الادى», - دەدى نۇر-سۇلتان قالاسىنىڭ ينۆەستيتسيالار جانە كاسىپكەرلىكتى دامىتۋ باسقارماسىنىڭ ساۋدا جانە سەرۆيستىك قىزمەتتى دامىتۋ ءبولىمىنىڭ باسشىسى رۋسلان ىدىرىسوۆ.
ەسكە سالايىق, ەلورداداعى كينوتەاترلار 26 جەلتوقساننان باستاپ جۇمىس ىستەي باستايدى. ولارعا كەلۋشىلەر ورىن سانىنىڭ 30% -نان اسپاۋى كەرەك, كورەرمەندەردىڭ وتىرۋى قاتاردىڭ ۇزىندىعى بويىنشا ەكى ورىن سايىن قاتارلار بويىنشا شاحمات تارتىبىمەن ۇيىمداستىرىلىپ, كۇشەيتىلگەن سانيتارلىق-ەپيدەميولوگيالىق نورمالارعا سايكەس بولۋى كەرەك. جۇمىس, دەمالىس جانە مەرەكە كۇندەرىندەگى جۇمىس ۋاقىتى - 10: 00-دەن 24: 00-گە دەيىن, اكتسيالار وتكىزىلمەيدى. كارانتين جانە شەكتەۋ شارالارىن بۇزۋ فاكتىلەرى انىقتالعان جاعدايدا كينوتەاترلاردىڭ جۇمىسى توقتاتىلادى.
