ولار كەشكى ۋاقىتتا ءۇي يەلەرىنىڭ جوقتىعىن پايدالانىپ, پلاستيك تەرەزەلەرىن سىندىرىپ, اقشا, زەرگەرلىك بۇيىمداردى ۇرلاعان. كۇدىكتى ازاماتتار قازان ايىنان باستاپ بىرنەشە پاتەردى وسىلايشا ۇپتەپ كەتكەن.
جابىرلەنۋشىلەرگە كەلتىرىلگەن ماتەريالدىق جانە م ۇلىكتىك شىعىندار 6 ميلليون تەڭگەدەن اسىپ وتىر. پوليتسەيلەر كۇدىكتىلەردىڭ باسقا دا ۇرلىقتارعا قاتىسى بار ەكەندىگىن انىقتادى. ولار ۋاقىتشا ۇستاۋ يزولياتورىنا قاماققا الىندى.
قازىر قازاقستان رەسپۋبليكاسى قىلمىستىق كودەكسىنىڭ 188-بابى 3-بولىگىنىڭ 1,2,3-تارماقتارىمەن (ۇرلىق, ياعني بوتەننىڭ مۇلكىن ءىرى مولشەردە ادامدار توبىنىڭ ءسوز بايلانىسۋىمەن تۇرعىن ءۇي جايعا زاڭسىز كىرۋ ارقىلى بىرنەشە رەت جاسىرىن جىمقىرۋ) جانە 291-بابى 3-بولىگىنىڭ 4-تارماعىمەن (قارۋدى, وق-دارىلەردى ادامدار توبىنىڭ الدىن الا ءسوز بايلانىسۋىمەن جىمقىرۋ) سوتقا دەيىنگى تەرگەپ-تەكسەرۋ جۇمىستارى جۇرگىزىلۋدە. قوس كۇدىكتىنىڭ بۇل «جورىقتارى» بيىلعى اقپان ايىندا قىلمىستىق زاڭناماعا ەنگىزىلگەن وزگەرىستەرگە سايكەس بىرنەشە رەت جاسالعان ۇرلىق اۋىر قىلمىس ساناتىنا جاتقىزىلادى. ەندى تاراپتاردىڭ تاتۋلاسۋىنا بايلانىستى قىلمىستىق ءىس توقتاتىلمايدى. ونداي قىلمىس جاساعاندار 12 جىلعا دەيىن باس بوستاندىعىنان ايىرىلادى.
