مەملەكەتتىك قىزمەت ىستەر اگەنتتىگىنىڭ قىزىلوردا وبلىسى بويىنشا دەپارتامەنتى مەن وبلىستىق دەنە شىنىقتىرۋ جانە سپورت باسقارماسى بىرلەسىپ ۇيىمداستىرعان سايىستىڭ ءبىرىنشى كەزەڭى 21-22 جەلتوقسان كۇندەرى ونلاين فورماتتا وتكەن بولاتىن. ۇلتتىق ينتەللەكتۋالدى ويىن جارىسىنىڭ جەڭىمپازدارىن انىقتاۋ 23 جەلتوقساندا بارلىق سانيتارلىق نورمالاردى ساقتاي وتىرىپ, دەپارتامەنتتە وفلاين وتكىزىلدى.
جارىس قورىتىندىسىمەن ەرلەر اراسىنان قىزىلوردا قالالىق دەنە شىنىقتىرۋ جانە سپورت ءبولىمىنىڭ باس مامانى ماناس تولىباەۆ 1-ورىندى يەلەنىپ, چەمپيونات جەڭىمپازى اتانسا, جاڭاقورعان اۋدانى, ماناپ اۋىلدىق وكرۋگىنىڭ باس مامانى جالعاس ماديلوۆ 2, شيەلى اۋدانى, بەستام اۋىلدىق وكرۋگىنىڭ باس مامانى ادىلەت ءابۋوۆ 3-ورىندى يەلەندى.
قىزدار اراسىندا 1-ورىندى وبلىستىق توتەنشە جاعدايلار دەپارتامەنتىنىڭ سىرداريا اۋدانى №12 ءورت ءسوندىرۋ ءبولىمىنىڭ راديوتەلەفونيستى قۇندىزاي اكباروۆا يەلەنسە, قازالى اۋدانى, قۇمجيەك اۋىلدىق وكرۋگىنىڭ باس مامانى نۇرسۇلۋ قارامانوۆا 2-ورىنعا, ۇلتتىق ستاتيستيكا بيۋروسىنىڭ وبلىستىق دەپارتامەنتى باسشىسىنىڭ ورىنباسارى ساۋلە رىسماحانوۆا 3-ورىنعا قول جەتكىزدى.
چەمپيونات جەڭىمپازدارىن دەپارتامەنت باسشىسى رافحات بيسەنوۆ پەن دەنە شىنىقتىرۋ جانە سپورت باسقارماسىنىڭ باسشىسى جاقسىلىق وسپانوۆ ديپلومدارمەن ماراپاتتادى.
