بۇل تۋرالى المالى اۋدانى اكىمىنىڭ مىندەتىن اتقارۋشى ارحات وماروۆ وڭىرلىك كوممۋنيكاتسيالار قىزمەتىندەگى بريفينگتە مالىمدەدى. سونىمەن قاتار اۋدان اكىمى مەگاپوليس باسشىسى تاپسىرماسى بويىنشا قالانىڭ تاريحي عيماراتتارىنىڭ كەلبەتىن ساقتاۋ جونىندەگى تاپسىرماسىنىڭ ورىندالۋ بارىسى جايلى حابارلادى.
اكمىنىڭ ايتۋىنشا, 2020 جىلى كوپپاتەرلى 69 ءۇيدىڭ الدىڭعى جاعىنا (قاسبەت) جوندەۋ جۇمىستارى جۇرگىزىلدى. جوندەۋ جۇمىستارىنىڭ بارلىق ءتۇرى جۇزەگە اسىرىلدى. ال 2021 جىلى المالى اۋدانىندا 50 ءۇيدىڭ قاسبەتىن جوندەۋ جۇمىستارىمەن قامتۋ جوسپارلانىپ وتىر.
سونىمەن قاتار مادەني ورتانى دامىتۋ ماقساتىندا جازۋشىلار وداعىنىڭ عيماراتىن جوندەۋ, № 4 كىتاپحانا مەن چەحوۆ اتىنداعى قالالىق كىتاپحانانى جاڭعىرتۋ جۇمىستارى اياقتالدى.
«ابىلاي حان داڭعىلىندا ورنالاسقان جازۋشىلار وداعىنىڭ تاريحي عيماراتى بويىنشا جۇمىستار 2019 جىلى باستالدى. بۇگىنگى تاڭدا بارلىق جۇمىستار 100% اياقتالدى. كۇردەلى جوندەۋ جۇمىستارى اياسىندا شاتىر, جەلى جانە ىشكى ارلەۋ تولىعىمەن جوندەلدى», دەپ اتاپ ءوتتى ارحات وماروۆ.
