«شين-لاين» كومپانياسى ساراپشىلارىنىڭ باعالاۋى بويىنشا, جاڭا جىلعا ەلىمىزدىڭ ساۋدا جەلىلەرىنە بالمۇزداقتىڭ 12,5 ملن پورتسياسى كەلىپ ءتۇستى. ماماندار قازاقستاندىقتاردىڭ سۋىق دەسەرتكە دەگەن قاجەتتىلىگى جەلتوقسان ايىندا بايقالادى دەپ بولجايدى. تەك «شين-لاين», قازاقستانداعى بالمۇزداقتىڭ ءىرى ءوندىرۋشىسى – جەلتوقسان ايىندا 412 توننا بالمۇزداقتى جونەلتتى, بۇل شامامەن 5 ملن پورتسيانى قۇرايدى.
ساراپشىلار ءوتىپ بارا جاتقان جىلدىڭ داعدارىس كەزەڭىندە بالمۇزداق تۇتىنۋدىڭ تومەندەمەگەنىن, كەرىسىنشە ءوسۋ ۇستىندە ەكەندىگىن ايتادى. مىسالى, «شين-لاين» ماۋسىم قورىتىندىسى بويىنشا اقشالاي ءوسىم بايقالادى. بالمۇزداق تۇتىنۋدىڭ ەڭ كوپ ءوسىمى اقتاۋ, تالدىقورعان, كوكشەتاۋ, قاراعاندى, الماتى, وسكەمەن جانە نۇر-سۇلتان قالالارىندا كورىندى.
Euromonitor كومپانياسىنىڭ دەرەكتەرى بويىنشا 2020 جىلدىڭ 9 ايىندا قازاقستاندا بالمۇزداق پەن مۇزداتىلعان دەسەرتتەر بولشەك ساۋدانىڭ اعىمداعى قۇنىنىڭ 14%-عا جانە بولشەك ساۋدا كولەمىنىڭ 4%-عا ءوسۋىن كورسەتىپ, 99,2 ملرد تەڭگە مەن 28 300 تونناعا جەتتى. نارىق كوشباسشىسى 40% ۇلەسىمەن «شين-لاين» كومپانياسى بولىپ تابىلادى.
«پاندەميا بارلىق ادامدار ءۇشىن, سونىڭ ىشىندە بيزنەس ءۇشىن دە سىناققا اينالدى. بىراق كەز-كەلگەن داعدارىس تەك پروبلەمالار عانا ەمەس, سونىمەن قاتار ول – جاڭا مۇمكىندىكتەر. ءبىز مۇنى تۇسىنەمىز, سوندىقتان نارىقتا ءوز پوزيتسيامىزدى ساقتاپ قانا قويماي, وتكەن جىلمەن سالىستىرعاندا نارىق ۇلەسىن 5 پايىزعا ۇلعايتتىق. بۇگىن ءبىز بالمۇزداقتىڭ 100-دەن استام اتاۋىن شىعارامىز. وسى جىلى جاڭا ونىمدەر ىسكە قوسىلدى – «جۇزىم-ءىنجىر» جەمىس لۋكۋمى Bahroma پرەميۋم سەرياسىن تولىقتىردى, ال «كامپيتتەر سەرياسىنداعى» كوپشىلىككە جاقسى تانىس جانە سۇيىكتىسىنە اينالعان «لەسنايا بەلوچكا», «كوروۆكا», «سماك» بالمۇزداقتارىنا كسرو ۋاقىتىنان بەرى بەلگىلى ليمونادتىڭ جارقىن ءدامى بار «كليۋچيك بۋراتينو» جەمىس مۇزى قوسىلدى. جىل سايىنعى جاڭالىقتار – بۇل ءبىزدىڭ ءداستۇرىمىز, ءبىز قازىردىڭ وزىندە تۇتىنۋشىلارعا كەلەر جىلى ۇسىناتىن ەرەكشە دامدەر مەن جاڭا شەشىمدەردى ازىرلەۋ ۇستىندەمىز», - دەدى «شين-لاين» كومپانياسىنىڭ باس ديرەكتورى ۆلاديمير پاك.
كۇردەلى 2020 جىلى تۇتىنۋشىلار نەگىزىنەن ءىرى سۋپەرماركەتتەردە بالمۇزداق ساتىپ الۋ ترەندىن قالىپتاستىردى جانە وسى ترەند كۇشەيە تۇسۋدە – ءىرى جەلىلەر ارقىلى ساتۋدىڭ ءوسۋى ورتا ەسەپپەن تورتتەن بىرگە ءوستى. ساتىپ الۋشىلاردى ءارتۇرلى قاپتامالاردىڭ كەڭ سۇرىپتالىمى, بولشەك ساۋدا جەلىلەرىندەگى برەندتەر مەن دامدەردىڭ كوبەيۋى قىزىقتىرادى.
