ءىس-شاراعا ء دىن وكىلدەرى جانە «زاستاۆا تارلاندارى» رەسپۋبليكالىق قوعامدىق بىرلەستىگى فيليالىنىڭ ارداگەر-شەكاراشىلارى, سونداي-اق قايتىس بولعانداردىڭ جاقىندارى, تۋعان-تۋىستارى قاتىستى.
ۇقك شەكارا قىزمەتى تۇركىستان وبلىسى بويىنشا دەپارتامەنتى اسكەري قىزمەتشىلەرىنىڭ باستاماسىمەن ءوز ەلىنىڭ ناعىز پاتريوتتارى – وتان ساقشىلارىن ۇلىقتاي وتىرىپ, ۇشاق اپاتى بولعان ورىنعا مەموريالدىق تاقتا ورناتىلدى.
مەموريال باسىندا وڭتۇستىك شەكاراشىلارى مارقۇم بولعان قارۋلاستارىنىڭ قۇرمەتىنە دۇعا-تىلەكتەرىن ارناپ, گۇل شوقتارىن قويدى.
ەسكە سالا كەتەيىك, 2012 جىلدىڭ 25 جەلتوقسانى كۇنى مەملەكەتىمىزدە قارالى كۇن جاريالانعان ەدى. قىستىڭ قىتىمىر كۇنىندە ەل استاناسىنان شىمكەنت قالاسىنا بەت العان قر ۇقك شەكارا قىزمەتىنىڭ ان-72 اسكەري ۇشاعى اپاتقا ۇشىرادى.
سايرام اۋدانى تاسساي ەلدى مەكەنى ماڭىندا ورىن العان ۇشاق اپاتىنان 27 ادام قازا تاپتى. بۇل تاۋەلسىز ەل تاريحىندا بولعان ەڭ ءىرى قايعىلى وقيعا ەدى.
