«جاس سارباز» قوزعالىسى نۇر-سۇلتان قالالىق فيليالىنىڭ توراعاسى اسحات نالشىبەك: «كۇنى كەشە ەرەكشە قاجەتتىلىگى بار بالالار مەن 7 بالاسىن جالعىز اسىراپ وتىرعان انانىڭ وتباسىنا كىرىپ, مەرەكەلىك سىيلىعىمىزدى تابىستادىق. بۇل يگى ءىس مىندەتتى تۇردە ءوز جالعاسىن تاباتىنىنا سەنەمىن», دەپ ايتىپ ءوتتى.
بالالار ءۇيىنىڭ 90 تاربيەلەنۋشىسىنە اياز اتامەن, سىيلىقتارمەن جانە ەرتەگى كەيىپكەرلەرىمەن مەرەكە ۇيىمداستىرىلدى.
«جاڭا جىل – تاڭعاجايىپ مەرەكە. ءبىز بالالار ۇيىندە تاربيەلەنىپ جاتقان بالالارعا سۇيىسپەنشىلىگىمىزدىڭ ءبىر بولىگىن بەرىپ, جىلدىڭ باستى مەرەكەسىن ودان دا قۋانىشتى جانە مەيىرىمدى ەتۋگە شەشىم قابىلدادىق. بۇگىن ءبىز «جاس سارباز» قوزعالىسىمەن بىرگە ۇلتتىق اسكەري-پاتريوتتىق ورتالىقتىڭ باستاماسىمەن بالالار ۇيىنە كەلىپ, جاڭا جىلدىق ءىس-شارا وتكىزدىك. ءبىزدىڭ باستى ماقساتىمىز – بالالاردىڭ شىنايى كۇلكىلەرىن ەستۋ. جاڭا جىلدىق قىزىقتار جالعاسىن تابا بەرسىن», دەيدى اكىمنىڭ باس ينسپەكتورى, ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيا حاتشىسى ءمولدىر بولەباەۆا.
ايتا كەتەيىك, «30 يگى ءىس» اكتسياسى اياسىندا ەرىكتىلەر ەرەكشە جانە تولىق ەمەس وتباسىلاردىڭ بالالارىن دا قۇتتىقتايدى. 26 جەلتوقسانعا دەيىن نۇر-سۇلتاندا 400-دەن استام بالا اياز اتاعا بارا الادى.
«مەن بالالاردىڭ اتىنان نۇر-سۇلتان اكىمدىگىنە جانە «جاس سارباز» ۇلتتىق قوزعالىسىنىڭ وكىلدەرىنە العىس ايتامىن. بالالارعا جۇرەكتەرىڭىزدىڭ ءبىر بولىگىن سىيلادىڭىزدار. بالالار ۇيىنە كوپتەگەن قوناقتار كەلەدى, ولار كوپتەگەن سىيلىقتار بەرەدى. بىراق بۇگىنگى ۇيىمداستىرعان ءىس-شارا ولارعا ۇلكەن قۋانىش سىيلادى. سىزدەرگە ۇلكەن جەتىستىكتەر تىلەيمىز», دەيدى اقكول قالالىق بالالار ءۇيى ديرەكتورىنىڭ وقۋ-تاربيە جۇمىسى جونىندەگى ورىنباسارى بوتاگوز قازبەكوۆا.
